首頁 日報娛樂

首拍劇順利過關 姜濤自信扮肥仔易達標

21/06/2019
■姜濤有過拍劇經驗後,更加鍾意演戲,希望能唱歌和拍劇雙線發展。
■姜濤有過拍劇經驗後,更加鍾意演戲,希望能唱歌和拍劇雙線發展。 (1/6)

  姜濤最近在ViuTV新劇《退休女皇》飾演景黛音的兒子,原來他拍攝時仍在參加《全民造星》,雖然零戲劇經驗,但姜濤話比起參賽的壓力,拍劇反而更輕鬆,加上角色跟他頗接近,前輩景黛音又nice,所以相對易應付,拍劇後更令他愛上演戲,笑言最希望扮演肥仔角色,仲好有自信話兩個星期便能達標。 撰文:杜淑霞 攝影:李維隆 服裝:Beauty&Youth@I.T

  景黛音曾向本報透露,親自揀姜濤演其兒子角色,而當時姜濤正值參加《全民造星》,問回姜濤此事,他都話冇諗過會被對方揀中,「去面試時估唔到會被景黛音揀中,(話覺得你似泰民?)佢都有同你講呀!我自己就唔覺得似,好似之前有人話我似彭于晏一樣,自己都唔多覺。」

拍劇仲輕鬆

  雖然姜濤拍劇前零經驗,但首次拍劇未感太大壓力,「可能角色同我幾似,都係唔多出聲,加上嗰時仲係《全民造星》比賽當中,自己好大壓力,反而拍劇時似放假,因有得任食,大家又好照顧我,前輩景黛音都好nice,完全冇架子,所以我拍劇反而仲輕鬆。」

  入行大半年,姜濤坦承仲未好適應一言一行都會對身邊人有影響,「但我明白已經好幸運,能夠將興趣變成工作。」他仲話拍完劇後,亦愛上演戲,「可以感受別人嘅人生好得意,最想試吓做啲基層嘅角色,不過我最有信心做肥仔,應該唔使兩星期就達標。」不過問到如要演瘦人呢?姜濤就唔敢正面回應要幾耐時間準備,相當搞笑。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd