首頁 日報娛樂

拍拖3年 常被催婚 袁偉豪陪女友甜蜜撐枱腳

21/06/2019
■袁偉豪呢日同女友拍拖歎漢堡,傍晚6時時間好尷尬,睇怕晏啲要食多餐。
■袁偉豪呢日同女友拍拖歎漢堡,傍晚6時時間好尷尬,睇怕晏啲要食多餐。 (1/7)

  38歲嘅袁偉豪(Ben),早前孭飛劇集《鐵探》收視達33點,女主角惠英紅即帶頭用絲襪笠頭「找數」。成收視福將之一嘅Ben八月尾先開拍新劇《使徒行者3》,近日放大假嘅佢就不時陪女友張寶兒(Bowie)。日前傍晚,兩人現身金鐘一商場甜蜜拍拖,其間食漢堡包醫肚,有女友喺身邊嘅Ben不時冧滋滋咁笑,甜到漏油。        採訪 : 李維隆

  袁偉豪16年和現年27歲嘅有米張寶兒因拍攝旅遊節目《打工捱世界Ⅱ》,在非洲朝夕相對撻着。早前,兩人出席《鐵探》結局飯敍,劇組送上蛋糕替Ben慶生,眾人更催佢與女友結婚,十足預演婚禮一樣!惜一對拖友夾晒口供話未ready,好享受拍拖生活!

  日前傍晚,放緊悠長假期嘅Ben和素顏女友拍拖現身金鐘一商場。Bowie戴帽戴茶色眼鏡,低調變搶鏡,而男友亦似乎好怕凍,長衫長褲,加埋啲鬚根,麻甩味勁濃。二人喺一間漢堡包店門口刨餐牌,睇足成十分鐘先決定食,order完食物即入店坐低等食。兩人一人擦一個包,薯條就兩份食,其間Bowie拎住杯熱飲出櫃台加熱水,滋陰慢慢歎。半小時後,Ben替女友拎熱飲離開,男方眼利發現有記者,即禮貌揮揮手,再結伴行往停車場取車走人。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd