首頁 日報娛樂

三代同堂溫馨下水禮 Mani 7歲寶貝女全家錫到燶

21/06/2019
為姨甥女降溫
■穿上黑tee嘅Mani當日甘願化身阿四,不時緊張替姨娚女小法拉抹汗,又拎風扇仔降溫。
為姨甥女降溫 ■穿上黑tee嘅Mani當日甘願化身阿四,不時緊張替姨娚女小法拉抹汗,又拎風扇仔降溫。(1/9)

  有超級經理人之稱嘅英皇娛樂集團營運總監霍汶希(Mani),為人出名夠真,做事勤力,故一手湊大嘅紅星謝霆鋒、容祖兒、Twins個個視佢如「阿媽」般愛護。日前下午,現實中係個廿四孝單親媽媽嘅Mani,趁好天氣約埋母親、孖生妹妹Noven等親友,帶其7歲寶貝女Honey去淺水灣同陽光玩遊戲。見Mani母愛氾濫,化身阿四替姨甥女小法拉抹汗、拎風扇仔降溫。而餅印妹則在水邊細心代家姐照顧Honey,加上婆婆浸在水中目及到實,成家人爭住服侍小公主,好溫馨呀!

天生明星相嘅霍汶希,16歲已被睇中拍廣告,但佢最終選擇加入英皇當經理人。做咗英皇高層多年嘅佢同旗下藝人感情超好,其中與祖兒情如姊妹,前年Mani被本報影到偕囡囡與成班親友行街食tea,祖兒亦有同行,更幫手照顧Honey,仿如一家人。

  日前周日下午難得無落雨,Mani約埋一班親友帶寶貝女Honey去淺水灣家庭樂,一行男女老幼約十人,架起兩個卡通帳篷,又有一大堆零食啤酒汽水等,似足開P。當日Mani和餅印孖生妹妹Noven好在分別着上黑白tee,先容易認出。見黑超Mani穿上黑tee戴上太陽帽,細心拎出毛巾、風扇仔等替年約10歲嘅姨甥女小法拉降溫,孖生妹妹就忙整理行裝準備落水。

阿姨細心照顧Honey

  其後,Mani和親友在帳篷休息吹水,孖生妹妹Noven和霍媽媽就陪Honey去游水。霍媽媽陪孫女一齊落水;Noven就企水邊ready。見7歲Honey在淺水區習泳嬉水,不時咔咔笑,天真無邪。玩咗十分鐘,阿姨Noven怕姨甥女曬親,催Honey上水,幫佢抹乾塊臉然後戴帽,再細心替姨甥女搽太陽油,照顧有加,唔怪得Mani咁放心畀愛女跟阿姨去玩啦!其後,Honey再同婆婆開心暢泳,玩夠就隨阿姨去沖身換衫,最後返帳篷會合媽咪一齊離開。

採訪 : 張詠森、李權威

其他文章
Busking靚聲王 唱而優則演 黃進林感激范振鋒提攜

  由范振鋒親自發掘、又是太太李思欣師弟的新晉歌手黃進林(Michael),畢業於香港演藝學院...

hd