首頁 日報娛樂

老公將開拍無線新劇 歐陽震華太太超市上糧

25/06/2019
■傅潔嫻係已故澳門賭王傅老榕孫女,家族資產豐厚,富家女casual look亦有貴氣。
■傅潔嫻係已故澳門賭王傅老榕孫女,家族資產豐厚,富家女casual look亦有貴氣。 (1/7)

  58歲嘅無線福將歐陽震華(Bobby)自前年劇集《誇世代》播完後,休息至月前才客串兩集《愛.回家之開心速遞》,嚟緊就會正式復工,孖舊拍檔萬綺雯開拍警匪劇。日前晚上,Bobby愛妻傅潔嫻獨自去銅鑼灣時代廣場超市入貨。見歐陽太買蔬果、急凍食物外,仲買咗堆零食,唔通幫老公掃定啲乾糧開劇?!採訪︰梁志明

  歐陽震華於13年農曆新年開P時暢飲,突然急性肺炎昏迷入院搶救,死過翻生後,喺賢妻嚴密監控下,飲食生活好節制。Bobby亦減產,每次為大台拍劇約法三章,每日開工要有10小時休息。

  早排,Bobby同TVB高層曾勵珍傾新劇時,自薦想喺《愛.回家》劇中客串,其後被安排跟戲裏戲外都係佢超級粉絲、演清潔女工嘅群姐(許思敏)上演幾幕穿越情侶戲,而年底佢亦與萬綺雯合作拍一套警匪新劇,飾演警察。

  日前晚上,保養得宜嘅傅潔嫻獨自現身銅鑼灣嘅超市買餸。高大嘅歐陽太穿上運動裝,身材好fit,短髮造型亦係多年嚟icon。見佢買咗啲蔬果、急凍食物外,又買咗堆餅乾、零食等。畀完錢,放晒入個黑色大環保袋,就去商場門口排隊搭的士走人。

其他文章
Busking靚聲王 唱而優則演 黃進林感激范振鋒提攜

  由范振鋒親自發掘、又是太太李思欣師弟的新晉歌手黃進林(Michael),畢業於香港演藝學院...

hd