首頁 日報娛樂

52歲再出寫真晒「湯碗胸」 溫碧霞爆私癮愛裸睡

26/06/2019
(1/9)

        現年52歲、擁33b、24、33神級身材的終極美魔女溫碧霞(Irene)再殺入寫真戰,今年書展將推出第5本寫真集《海潮》,收錄大量在塞班島影嘅性感靚相,當中Irene有超過20款造型示人,有大晒「湯碗胸」的比堅尼Look、招牌「跌膊」野性Look及超誘惑的裸背妲己造型,總有一款啱巴打們嘅口味。

溫碧霞繼5年前出過希臘寫真集後,將於6月28日再度推出第5本寫真集《海潮》,今次寫真對Irene意義重大,除了捐出80本寫真集進行慈善拍賣,籌得善款會全數捐贈給微笑行動,幫助殘障兒童提供醫療外,更希望Fans能夠了解佢更多:「寫真集分香港和內地版,9月出嘅內地版係自傳形式寫真,寫好多關於自己心路歷程,希望啲人睇到我內心世界,至於香港版以靚相為主,唔同造型畀到人有唔同感覺。」

老公未知性感程度

  寫真集中的擁抱夕陽比堅尼look非常養眼,S型躺卧沙堆上,可盡見Irene堅挺的「湯碗胸」、24吋纖腰及44吋長腿,唔好意思再講多次,52歲嘞喂,如此身材真係令人無話可說。另外還有Irene僅穿黑色喱士T-back,裸背趴身擠出半胸的寫真,唔知佢老公何祖光睇完會有咩感覺?Irene大笑說:「我未畀老公睇,想畀個驚喜佢,老公知我唔會刻意裸露,之前出嘅寫真,佢都猛讚我好靚。」

長期Keep住103磅

  問到點解咁「激動」?Irene表示希望有驚喜,亦想留低最好一面,「唔知將來老咗仲有冇咁嘅身形,呢啲相比較生活化啲,平日真係會着比堅尼游水,亦會着T-back,我習慣裸睡,覺得好Free。」身高5呎4吋,體重長年Keep住103磅,問到Irene Keep Fit心得,她說:「可能我骨架細,又冇生過bb較易keep,而且做運動好重要,做瑜伽幫到好多。同埋最緊要係心態,o依家狀態係最放鬆,比較隨意。好感恩有好boby,所以要更加努力去keep。」問到最滿意身體邊部份?她覺得應該講整體感覺,同樣地,性感同靚都係感覺,最緊要有氣質。

採訪:方騫平 髮型:Daniel Chang @hair Corner n mini g Salon

化妝:Khaki Yan

場地:Van Gogh SENSES @1881

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd