首頁 日報娛樂

警民關係愈見緊張 TVB網劇《衝鋒隊2019》急停拍

27/06/2019
無遇麻煩
■方力申、林夏薇及王凱韋 (前名王合喜)着上軍裝在街頭拍攝《衝鋒隊2019》,薇薇話拍攝好順利無遇到麻煩。
無遇麻煩 ■方力申、林夏薇及王凱韋 (前名王合喜)着上軍裝在街頭拍攝《衝鋒隊2019》,薇薇話拍攝好順利無遇到麻煩。(1/10)

        由方力申、林夏薇及海俊傑等主演,以唱好及介紹衝鋒隊(EU)的TVB網劇《衝鋒隊2019》早於月初已開工,有傳TVB眼見香港警民關係緊張程度日漸升級決定停拍,求證該劇監製李志倫(Jacky),他向本報證實劇集於月中時突然喊停,未知「暫緩」到幾時,目前未有復工時間表。另據知,由張振朗、楊明、蔡思貝及鄧佩儀主演,被編為今年暑假重頭劇的《機場特警》,亦因要避風頭而押後至10月後睇定啲才決定是否推出。

為慶祝香港警隊成立175周年,香港警務處與TVB合拍網劇,由楊明及蔡思貝等主演的《機動部隊2019》於5月播出時口碑唔錯,所以再下一城拍攝新一輯,由PTU改為拍EU,一連四集向觀眾剖析EU工作。在劇中飾演「見習督察」的陳敏之、「時沙」海俊傑之前去咗尖沙咀警署做預習,學定搜身、盤問疑犯等用語;而演「EU新仔」的方力申就搵大學同學攞料,久休復出的林夏薇則日日勤力做Gym,為演Madam做足準備。

警方無時間協助

該劇於6月5日開鏡,但反對修訂《逃犯條例》遊行後警民持續爆發激烈衝突,灣仔警察總部更被示威者包圍,警民關係非常緊張。有見及此,TVB於上周決定停拍《衝鋒隊2019》,據知情者說:「避免吃力不討好,而且TVB都要保障藝人,唔想小方、林夏薇着住軍裝喺街開工時遇到麻煩。就算開咗工4日,損失咗7位數字都無辦法。」本報記者就停拍消息向監制李志倫求證,他證實停工消息,更坦言短期內唔會重拍:「o依家我放返啲期畀班演員,7月中會改拍愛情輕鬆喜劇電視電影。」至於停拍原因,Jacky就解釋話o依家警方忙於處理太多問題,暫時未能協助拍攝。

林夏薇唔知停拍

        闊別熒光幕大半年的林夏薇對劇集停拍感到難以置信,因為她開咗一日工,拍攝亦非常順利,「我唔知停拍喎,只係收到公司通知話要押後開工。」被問到復出作品受大環境影響而停拍會否感到好可惜?薇薇即避談說:「冇嘢,都OK。」同樣開咗一日工嘅陳敏之就話唔太清楚詳情唔適合評論:「公司覺得適當時間先拍咪拍囉,我可以湊仔,停工對我冇影響。」而海俊傑亦覺得好可惜:「我梗係好想拍啦,等公司安排啦。」至於《機場特警》監製陳耀全否認劇集押後播出:「公司一直打算安排10月後先出街,因為後期仲處理中。」

採訪:方騫平

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd