首頁 日報娛樂

奪馮盈盈熒幕初吻 何廣沛爆同朱晨麗咀無feel

28/06/2019
■何廣沛話拍咀戲駕輕就熟,唔使同緋聞女友朱晨麗備案。
■何廣沛話拍咀戲駕輕就熟,唔使同緋聞女友朱晨麗備案。 (1/8)

  何廣沛(Matthew)近排在熱播無線劇《白色強人》中,與馮盈盈喺醫生權力鬥爭中,上演清新puppy love。女方嘅熒幕初吻獻給何廣沛嘅鏡頭日前終於出街,Matthew大爆平日好認叻,永無冷場嘅馮盈盈獻吻前竟變身「鵪鶉」,十分搞笑。除馮盈盈,過往何廣沛跟緋聞女友朱晨麗(朱朱)及江嘉敏、陳瀅、陳嘉寶等咀過,竟然話同陳嘉寶最難忘,唔怕畀朱朱扭耳仔?! 採訪:方騫平

  去年,何廣沛憑救護員一角在《跳躍生命線》上位,今次《白色強人》升呢做醫生,令他相當期望,相比下,今次拍得辛苦兼乏味:「因為有好多做緊手術鏡頭係唔會有對白,而且仲要Hold住手部動作持續10幾小時,搞到成身肩頸膊都痠痛,深深體會到原來做外科醫生唔容易,對醫護人員尊重大咗。尤其最深刻一場要去倒塌地盤拯救受傷工人,大隊喺銅鑼灣一個裝修中大廈實景拍攝,嗰度塵土飛揚,現場似足個廢墟,拍咗兩日,個個都戴住口罩入去,鼻孔入面全部係塵。」劇中他演馬國明愛徒,唯一可惜未能跟郭晉安鬥吓戲,只可在群戲中向前輩偷師。

  何廣沛拍過唔少咀戲,除朱朱,個個靚女都係主動獻吻:「馮盈盈獻熒幕初吻時好好笑,排戲時猛耍手話唔好!但正式拍攝期間顯得好專業,不過一cut機又即時彈返去好遠,佢都幾趣致,又聽教聽話,轉數好快,學嘢好快上手,同佢合作雖然嘈,但佢係個開心果。」何廣沛明白盈盈驚得有理,正如當初拍《女人俱樂部》時,第一次同陌生女仔陳嘉寶有肌膚之親都驚到不得了,最怕被指佔人便宜。問到咀得最有feel係咪朱晨麗?他傻笑說:「個個都無乜特別,陳瀅都好深刻,因為臨時被召返去開工,睡眼惺忪下完成任務。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd