首頁 日報娛樂

首遊巴塞隆拿高度戒備 丘凱敏最擔心被偷嘢

28/06/2019
■丘凱敏到Cathedral of Barcelona參觀,十分壯觀。
■丘凱敏到Cathedral of Barcelona參觀,十分壯觀。 (1/7)

  丘凱敏(Anna)早前與老公去西班牙巴塞隆拿旅遊,人生第一次去全因朋友介紹,告知當地政府很重視保護歷史建築物,事實上去到的確四周都是有故事的建築和特別地標,在當地隨意行已很有意思,Anna推介到La Sagrada Familia和Picasso Museum參觀。有日Anna租了半日車隨導遊遊勻全個巴塞隆拿,感覺好滿足。出發前了解到當地小偷問題嚴重,令她非常擔心,所以每日遊覽時都要高度戒備,幸好最後安全過渡。 撰文:李佩儀

  Anna與老公到巴塞隆拿旅遊7日,一到埗即如朋友所講,真係靚到不得了!她興奮說:「嗰度有好多Antoni Gaudi設計嘅建築物都好特別,例如Park Guell同Casa Mila,其中La Sagrada Familia必定要去,因外面好壯觀,裏面又好華麗,教堂起足137年,預計2026年會起好。」她續稱Picasso Museum都好值得去,「雖然佢出名嘅作品都擺咗喺法國或畀人買咗,但係仲有好多佢唔同時期嘅作品展出。」Anna建議大家買飛時買埋語音導覽,對作品背景及意思會有較深入的了解。

巴塞龍蝦真一流

  由於很多朋友都提醒Anna小心當地小偷,令她遊覽時都有點擔心,她說:「尤其知道去嘅地方多小偷出沒,真係要高度戒備。」有一日她經朋友介紹,租了車跟當地導遊環繞了巴塞隆拿一周,她解釋:「因為有啲地方未必自己去到,個導遊帶我哋睇咗沿海嘅風景,係一個幾好嘅嘗試,半日約$3,000港元。」去到巴塞當然要食海鮮,Anna表示基本上行到邊食到邊,「不論高級餐廳定街邊小店都冇令我哋失望,而最好食真係海鮮,尤其係龍蝦,鮮甜彈牙,去到一定要試。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd