首頁 日報娛樂

做爺爺多年 首做阿公 82歲謝賢有B女嗲 歎茶風騷晒命

06/07/2019
■四哥愛喺「飯堂」同老友吹水過日辰,呢日同家庭醫生(背面)風騷歎茶。
■四哥愛喺「飯堂」同老友吹水過日辰,呢日同家庭醫生(背面)風騷歎茶。(1/9)

  早前,四哥謝賢嘅掌上明珠、36歲謝婷婷突然在社交網分享和BB手捉手照片,驚爆宣佈榮升人母100天,消息震撼全城,但卻為謝家帶來無限喜悅呢!榮升外婆嘅狄波拉表示已見過及抱過BB,更開心笑言自己同婷婷都靚,所以孫女都生得靚。首做阿公嘅四哥除咗有兩個寶貝男孫,從此多咗粒孫女嗲吓自己,都咪話唔happy。日前下午,見黑超四哥喺愛打躉嘅中環「飯堂」風騷歎茶,滋陰歎熱飲嘅佢,與兩男友人笑晒口talk唔停,兒孫滿堂,風騷晒命囉!

        獨居近億元豪宅嘅謝賢,去年7月自爆與細39歲嘅上海女友CoCo結束12年情,回復單身曾大呻寂寞。不過日前四哥卻現身在台灣,與首任妻子甄珍重逢,撐前妻出自傳《真情真意》,過氣夫婦相隔45年再見,四哥第一句竟笑問甄珍:「你有沒有愛過我?」

  咁風騷!全因四哥近日已榮升外公,愛女婷婷在美國秘密生女。有指B女嘅「經手人」並唔係同婷婷傳過緋聞嘅荷里活男星「鷹眼」謝洛美維納,而係女方當年在溫哥華讀書時認識嘅朋友,二人近年先蜜運,男方家境不俗。雖然四哥一早有前新抱張栢芝,為佢生咗兩個寶貝孫仔,分別係現年11歲嘅Lucas和9歲Quintus,但兩個孫一直跟栢芝住,過時過節先見面,而孫女就好唔同,婷婷如果返港就一定黐實daddy,屆時四哥可以日日有B女嗲,真係甜在心頭。

  日前下午4時許,四哥慣性去佢最愛嘅中環某一名店商場露天茶座搵朋友high tea。除咗有佢位四眼家庭醫生楊毅敏外,仲有位白髮男友人,三個大男人分別點了沙律、湯麵、焗飯等慢慢歎。見四哥不時笑笑口吹水,心情勁靚。食至近尾聲,四哥嘅高大男外傭前來會合,叫咗杯drink後就埋單走人。四哥一邊行一邊繼續吹水,薄白tee下透出fit爆身材,然後在男外傭陪同下,散步至近上環才上車返家。

採訪 : 李維隆

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd