首頁 日報娛樂

66歲首度挑戰棟篤笑 盧宛茵下個目標搶視后

08/07/2019
■Madam雖快將70歲,但佢心境年輕,日日開心又快活。
■Madam雖快將70歲,但佢心境年輕,日日開心又快活。 (1/5)

  66歲的盧宛茵(Madam Lo)入行近50年,演過唔少經典角色,如45年前令她一炮而紅的《朱門怨》「二少奶」、28年前處境劇《卡拉屋企》做搞笑肥媽,到近年《愛.回家之開心速遞》演尖酸刻薄的「崔Auntie」等等。既然咁受歡迎,Madam決定挑戰自己,學人搞棟篤笑娛人娛己,高齡「處女」下海,Madam唔怕有壓力,反而開心說:「樣樣嘢都係做到老,學到老!」



採訪:方騫平 場地:森林王國親子餐廳@觀塘

  盧宛茵將於8月19日在旺角麥花臣場館舉行《盧師動眾Madam Show棟篤笑》,拍宣傳海報時扮鬼扮馬好搞笑,其中一個皮褸車手Look激似衛蘭,她大笑說:「其實睇落我同衛蘭真係幾似樣,佢係混血靚女,似佢都好榮幸。」Madam被譽為「無線御用媽咪」,最少擁有70幾位「兒子」,包括古天樂、周星馳、鄭敬基及尹揚明等:「『仔女』個個都好乖,拍晒心口話阿媽有乜就隨便叫我啦,平時拍嘢都會扶出扶入,仲會買嘢畀我食,最記得當年拍《餐餐有宋家》唔舒服,『大仔』尹揚明好快察覺,仲問我使唔使先去睇醫生?有咁多『仔女』關心都好欣慰,可能平時我對人都好。」



  今次Madam搞得成棟篤笑,喺《卡拉屋企》入面做仔嘅鄭敬基最大功勞:「有日我同鄭敬基傾開有乜新搞作,佢忽發奇想撮成好事。其實翻睇《卡拉屋企》都好好笑,尤其有兩集我做潘金蓮、吳鎮宇演武松,真係笑到碌地,依家真係好難拍得返。」而做完棟篤笑,Madam又有新目標,就係想演外觀正常,但精神分裂癲癲哋嘅女人,因為現今社會有太多呢類人。 Madam更說,「如果套劇以我做核心,哈!我唔介意同姐仔爭獎,挑戰做視后。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd