首頁 日報娛樂

放低三仔女唞吓氣 何倍倩同老公拍拖飲珠奶

08/07/2019
■何倍倩一邊飲珍珠奶茶,一邊同老公行街傾偈。
■何倍倩一邊飲珍珠奶茶,一邊同老公行街傾偈。 (1/7)

  「恒生新抱」何倍倩(Anina)是三子女之母,除了要照顧家庭,還要打理生意。事業型阿媽唔易做,日前佢撇低子女同老公何乃斌(Terrence)到銅鑼灣shopping過下二人世界,兩人買珍珠奶茶邊行邊傾,難得可以拍吓拖,兩公婆都好開心,Terrence更傾到好雀躍,Anina就不時甜絲絲咁笑。要增進感情唔一定要搞咩大龍鳳,偶然拍吓拖亦可以。採訪:梁志明

  Anina育有10歲兒子和5歲龍鳳胎子女,她除了愛買餸煮飯畀屋企人食,還習慣每晚幫子女溫習。至近年因要創立有關「食得健康」的新app,她才回歸校園讀書增值。短短三年間,她已修畢兩個碩士課程。由於新app將於9月在香港和不同地方推出,估計得到未來日子她將會好忙,所以一有時間就同老公去銅鑼灣「拍拖」Shopping。

  當日下午約3時,何氏夫婦到Log On購物,主攻電子產品,睇完一樣又一樣。Shopping完就去買珍珠奶茶飲,Anina爽快揀了招牌的珍珠奶茶,而Terrence就心儀水果紅茶。兩人一邊飲一邊行去停車場,期間有講有笑好Sweet。雖然兩人結婚14年,又有三個仔女,但完全無老夫老妻Feel,眼角眉梢好有後生仔拍拖感覺。拍完拖,Terrence做「柴可夫」車太太一齊返屋企。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd