首頁 日報娛樂

拎住成袋禮物 王子涵約友開心飯局

08/07/2019
■化晒妝嘅王子涵「衣Q」高,唔覺身材的骰。
■化晒妝嘅王子涵「衣Q」高,唔覺身材的骰。 (1/6)

   29歲嘅王晶愛女王子涵(Dada),早前喺劇集《荷里活有個大老千》中成功上位,人氣、工作接踵而至,一洗「靠父蔭」冤氣。日前,子涵完成無線重頭劇《唐人街》拍攝後,約咗兩個圈外好姊妹行銅鑼灣。見Dada和好友拎住好多禮物,上咗一幢商廈dinner,同朋友開心gathering啦! 採訪 : 梁志明

  王子涵早排keep住人氣接拍台慶卡士劇《唐人街》,劇中有視帝視后陳展鵬、唐詩詠,仲有陳山聰、姚子羚、王君馨、伍允龍和劉穎鏇等主演,相信正式播出時,應該好有noise。除咗呢套,Dada年前拍落一部倉底劇《丫鬟大聯盟》,《丫鬟》本來安排今年做賀歲劇,惜最終讓路畀外購劇集《皓鑭傳》。加上呢套劇有「安心偷食」嘅黃心穎主演,睇怕短期內都不見天日!

  近排,Dada無劇一身輕,不時見佢上載抱BB相,仲開心留言:「玩人哋個BB好啦!」日前晚上7時,童顏Dada和兩女友人現身銅鑼灣時代廣場。見三女拎住好多禮物由商場步出,然後向灣仔方向行。披住牛仔褸嘅Dada心情好靚,沿途笑笑口猛吹水。未幾,三人到達一座商廈搭(車立)上樓,去咗間日本餐廳歎日本菜囉!

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd