首頁 日報娛樂

飲食衣着勁專一 Chok爆江華陪愛妻撐枱腳

08/07/2019
■江華和老婆Kitman對呢間西餐廳情有獨鍾,3年來不時嚟開餐。
■江華和老婆Kitman對呢間西餐廳情有獨鍾,3年來不時嚟開餐。 (1/6)

  將於10月假旺角麥花臣場館開個唱嘅麥潔文(Kitman),近日頻頻現身谷騷,早前更夫婦檔上慈善騷合唱,56歲江華仲幾型仔㗎!日前晚上,呢對結婚26年嘅恩愛夫妻現身圓方開餐。見江華當日cap帽、黑褸白tee打扮,居然同16年喺同一間餐廳食飯時一模一樣,究竟人夫係太慳家、定係過份「專一」呢?! 採訪 : 李權威

  教唱歌多年嘅麥潔文,就嚟開演唱會嘞!近排成日出鏡谷吓人氣。早排,佢和老公帶埋索囡囡陳薔天一家三口亮相慈善節目《明愛暖萬心》,24歲女兒首次上電視夠淡定,遺傳咗媽咪唱歌天份,不過星媽就話現時歌手難做,應該先讀好書,反而囡囡認為有機會可以試吓唱歌,亦贊同父母之言先讀好書。而26歲大眼餅印仔陳耀淙(Bryan)愈大愈靚仔,有晒條件入娛樂圈,不過Bryan拒絕做藝人,寧願做護士,做低調星二代。

  日前晚上,見戴帽江華勁chok咁喺圓方現身。人夫行到似catwalk咁,急步行去一間西餐廳會合太太。兩夫婦order後與店員好熟稔笑笑口吹水。睇返資料,本報16年尾曾喺同一間餐廳發現江華兩公婆撐枱腳,再睇真啲,江華日前嘅衣着打扮,竟然同兩年半前一模一樣,OMG!

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd