首頁 日報娛樂

「安心」事件close file 鄭秀文扮靚大笑 Ready周五開騷

09/07/2019
露牙狂笑
■Sammi全晚笑容滿面表現風騷,頭戴寫上「Love never fails」(愛是永不止息)字句cap帽。
露牙狂笑 ■Sammi全晚笑容滿面表現風騷,頭戴寫上「Love never fails」(愛是永不止息)字句cap帽。(1/10)

        自月前驚爆「安心偷食」事件,最大受害人鄭秀文(Sammi)發文指已原諒老公安仔,其後人妻選擇不時喺社交網發放正能量,大晒個唱排舞照,重新出發。另一苦主馬國明近日亦已認與黃心穎分手,將對方「降呢」為朋友。「安心」告一段落,閉關多時嘅Sammi,上周六(6日)趁個唱開鑼前一周出關扮靚,見佢晚上去咗跑馬地修甲時心情好靚,不時同助手笑晒口吹水,久違了嘅「阿Mi燦爛式笑容」重見天日,大家放心等睇good show啦!

        今年4月,心穎和安仔發生車廂偷食事件,其後女方避走美國潛水;安仔翌日開記者會道歉,形容自己係「壞咗嘅人」,神隱72日後消瘦揸車外出時被捕獲,佢大方微笑面對記者,開腔話「做返好自己,面對返自己。」獲網民大讚佢肯坦承面對。而一直保護心穎嘅馬明亦已放低前度,視對方為朋友。「安心」事件終於close file,大家最期待嘅當然係本周五(12日)晚,Sammi嘅13場《鄭秀文#FOLLOWMI世界巡迴演唱會》開鑼,收拾好心情開心見fans啦!

零壓力笑容

        上周六晚8時,備戰多月嘅Sammi出關去跑馬地一間美容院整指甲。連月嚟被指受到「安心事件」影響,加上演唱會負荷壓力,身形明顯暴瘦嘅Sammi化咗妝、戴眼鏡和穿上運動裝現身。見佢一邊整手甲,一邊和助手及經理人輕輕鬆鬆笑口吹水,其間好幾次露牙大笑,心情極度愉快。Sammi修完左手無耐,其助手及經理人即外出買外賣,未幾捧着兩盒沙律和麵包折返,等回家才開餐。最後,待Sammi搽上棗紅色甲油,吹乾透後就齊齊走人。兩女先傍實Sammi過馬路上七人車,再自行揸車離開。

採訪 : 張詠森、李維隆

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd