首頁 日報娛樂

台女友黐實好纏綿 金剛熱戀無限傻笑

10/07/2019
■等過馬路時,Nana將頭輕挨金剛膊頭。
■等過馬路時,Nana將頭輕挨金剛膊頭。 (1/8)

  07年,金剛由台來港發展,憑講唔鹹唔淡廣東話主持《獎門人》而為港人熟識,16年初同陳蕊蕊分手後便返回台灣發展。今年4月在ig公告同台灣綜藝節目《國光幫幫忙》的巨胸女神Nana(梁云菲)拍拖幾個月,6月尾更帶女友回港寓工作於拍拖及見朋友,本報記者就直擊呢對熱戀男女究竟有幾纏綿。採訪:梁志明

  Nana今年29歲,較金剛年輕9年,擁32D超強胸器嘅佢同金剛一樣熱愛水上運動加上同樣愛好紋身,兩人一拍即合兼一拍拖已愛到難捨難離。早前,金剛受訪時表示已有結婚計劃,並透露早已見過雙方家長,Nana更甜到漏指父母好喜歡金剛,她隨時嫁得,只要金剛求婚就得。金剛笑着說:「佢有要求㗎,求婚一定要搞喊佢先可以成功。」

  上周六,金剛為女友在外地舉行生日會,着住白色比堅尼嘅金剛嫂喺波波池內飲香檳,佢留言多謝男友:「謝謝你用心替我準備的一切。」Nana生日前陪男友返香港會朋友,金剛仲帶佢去銅鑼灣Shopping。當日,金剛拖女友齊着黑色情侶裝約朋友行街,眾人去完一間又一間店舖睇衫,當中喺D-Mop及Edison間Juice都買到嘢,全程金剛不斷幫女友揀衫,又喺店舖前影相,喺百德新街又影又吹水又煲煙又揀衫玩足個半鐘,期間濃情蜜意金剛情侶成日打打鬧鬧又拖吓攬吓,等過馬路時,Nana更將頭挨在男友膊頭,難怪金剛冧到係咁傻笑。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd