首頁 日報娛樂

恨攞獎答謝恩人 黎諾懿叫家燕姐挑戰三點式

11/07/2019
■黎諾懿事業家庭兩得意,亦希望可以憑節目攞獎。
■黎諾懿事業家庭兩得意,亦希望可以憑節目攞獎。 (1/7)

  入行17年,39歲的黎諾懿近年終於捱出頭,由戲劇組踩入綜藝組,首次擔大旗主持的節目《懿想得到》叫好叫座。特別是「登基燕」(薛家燕) 處女出浴,播出後外界有好大回響!問到家燕姐身材,黎諾懿不斷讚好:「佢唔會輸蝕得過後生女,所以有機會追加,我會游說佢著三點式泳衣接受挑戰!」而家燕姐竟然話幫得到會盡幫,笑住回應:「三着梗唔肯啦,四點就OK!」採訪:方騫平 場地:CAY Partyroom

  黎諾懿在《懿想得到》中碌盡人情卡,唔只拉埋兩個好兄弟鄭伊健及楊明落水,仲請嚟視后李佳芯及田蕊妮,帶埋前輩薛家燕和李家鼎同遊日本平戶浸溫泉,另麥美恩亦友情相助。他說:「呢個節目籌備同拍攝咗大半年,伊健都有幫手度橋,拍完節目最大得着就係發覺自己人緣都ok,亦好多朋友想請,好似當年喺《四葉草》嘅姚子羚同唐詩詠等。所以節目出街後,不停咁打電話去問朋友意見,希望有機會開拍到第二輯!哈,問到啲人煩哂,媽咪、老婆當然讚好,阿囝『小春雞』就附和話爸爸話Good。」

  問到為何咁大膽安排家燕姐和鼎爺浸溫泉?諾懿笑說:「其實係幕後提議,我同家燕姐拍完《燦爛的外母》一見如故,家燕姐好錫我嘅,知我要狽個節目就一口答應,佢只係要求畀件肉色衫打底就得;而鼎爺就冚住條小毛巾。」網友對節目都有不錯評價,諾懿坦言亦有留意網上評語,發現好多人都想睇家燕姐冇打格版本嘅出浴鏡頭,所以有機會拍下輯,好想再搵家燕姐挑戰着三點式。另外今周輪到田蕊妮、楊明及麥美恩接力。黎諾懿直認恨攞獎:「攞獎係用嚟答謝曾幫過我嘅人,證明佢哋係冇幫錯,乜獎我都會盡力去拎嚟答謝團隊,至於視帝可遇不可求,不過,我未退休,希望有生之年可以達到目標啦。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd