首頁 日報娛樂

首做女一唔嫁住 Yanny@SG被盧海鵬嚇到腳震

11/07/2019
■陳穎欣希望在娛樂圈努力闖出一片天,未打算跟音樂人男友陳考威(Gareth)結婚。
■陳穎欣希望在娛樂圈努力闖出一片天,未打算跟音樂人男友陳考威(Gareth)結婚。 (1/6)

  女子組合Super Girls(SG)成員陳穎欣(Yanny)首當女一的ViuTV新劇《仇老爺爺》首播日,與她跟朋友合資開設的東南亞菜餐廳開幕日是同一日,Yanny講起都好興奮,尤其可以跟前輩盧海鵬合作,Yanny自言超欣賞他:「不過鵬哥只係提示過我走位,冇向我『試咪』,而自導自演自監嘅游學修因為經驗唔夠,都有俾鵬哥話過!」採訪:方騫平 場地:圍威喂



  日前陳穎欣現身餐廳同員工打氣,仲坐埋職工飯枱一齊用膳,有講有笑打成一片,她笑說:「佢哋都幾好伙食,有雞翼、蝦餅、靚湯等,我功能性好低,乜都唔識,連沖飲品都要即學打天才波。大股東係Jessica(蔡明思)老公嘅好朋友,大家理念同價值觀好相似,所以一拍即合。因為我喺飲食界係一張白紙,會用謙卑心態學習,亦唔怕同合作夥伴因財失義,連朋友都冇埋。」

  對於29歲做老闆,Yanny唔會認叻,坦言投資六位數只係小股東,不過她卻笑說:「我成副身家放晒落去,所以唔會離隊(SG),而且啱啱簽咗古天樂旗下電影公司,幕前係我正職,做飲食當打多份工幫補吓。」Yanny喺新劇《仇老爺爺》中演游學修女朋友,鵬哥係游學修爺爺,劇集講兩代人嘅溝通:「因為我同鵬哥嘅戲比較輕鬆簡單,唔易辣㷫佢,鵬哥只係提示過我走位,冇向我『試咪』,但就問過游學修:『點解仲未搞掂呀?』游學修第一次自導自演未必達到鵬哥要求,鵬哥想做好啲啫,佢唔會無啦啦鬧你嘅。」問到跟鵬哥合作嘅感覺,Yanny話,「拍第一場戲真係俾佢氣勢嚇窒,驚到腳震,其實鏡頭後嘅鵬哥好親切。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd