首頁 日報娛樂

同欠債男友好少見面 Amanda S. 激瘦面都凹晒

11/07/2019
■Amanda買完嘢仲講住電話唔捨得收線。
■Amanda買完嘢仲講住電話唔捨得收線。 (1/7)

  14年,名模Amanda S.與前夫Christian離婚,唔夠3個月就撻着有米男友Sam,可惜去年尾Sam經營的公司捲入財務糾紛,被債主上門追數。Amanda對男友財務狀況表示不知情,但之後已鮮見兩人拍拖。日前下午,Amanda獨自到中環ifc超巿買嘢,本來已好瘦嘅佢在全黑打扮下更無半両肉,明顯可見兩頰凹陷,激瘦情況令人擔心。採訪:李權威

  Amanda去年尾經歷老父過身已因為太傷心,要偕朋友外遊散心,心情才得以平復。跟住拍拖4年的男友Sam,又傳出欠巨債、公司被淋紅油,搞到Amanda再跌入谷底。今年初她為改運而改了中文名叫龍玥心,佢個名有龍有心都唔係幾好,不過,她坦言改了名後個人開心番好多,而且亦多咗工作,Amanda自覺好Lucky。問到同男友關係?佢話同男友見面時間好少,只靠電話傳情,她更坦言冇結婚打算。

名模鍾意食菠蘿

  日前下午,Amanda獨自到超市買嘢,名模先去凍櫃挑選已切好的生果盒,然後電話響,見她邊講電話邊揀生果盒時面頰凹陷,瘦咗好多。揀咗約5分鐘,心大心細究竟揀雜果定菠蘿,最後揀咗後者。她一邊講電話一邊行去收銀處,畀錢時仍不願收線。她曾表示現在雖與男友少咗見面,但唔代表分手,她解釋拍拖唔一定日日見面,但每日都會以電話聯絡,因溝通最重要。見佢講到唔捨得收線,可能電話中人就係阿Sam。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd