首頁 日報娛樂

初戀傻更更未識傷心 林穎彤同情敵仍有聯絡

12/07/2019
■Bella聲稱單身了一段日子,好想搵過溝通到好男仔拍拖。
■Bella聲稱單身了一段日子,好想搵過溝通到好男仔拍拖。 (1/6)

  林穎彤(Bella)最近推出首支個人單曲《忽然又想起你》,她坦言面對人生第一次心情特別緊張,好彩公司畀足兩倍時間她錄音。歌曲以經常想起初戀對象為主題,但中學時初次拍拖的Bella就話,自己鮮有想起初戀男友,仲自爆反而同情敵是好友,仲有保持聯絡,她認為因當年傻更更根本不知情為何物。 採訪:杜淑霞 場地:The AIR(The ONE)

  新歌《忽然又想起你》是Bella簽約做歌手後推出第一首歌,自然特別緊張,「雖然唔係第一次入錄音室,但以往係唱人哋嘅歌,易掌握好多,今次真係超級緊張,好彩公司知我好新,畀多一倍時間我去錄,仲可以試唱唔同風格。」

唱K發洩療情傷

  談到歌曲以初戀為主題,但Bella直言完全不是自己親身經歷,「首歌係講會不時想起初戀情人,但同我初戀完全唔似,感覺冇咁深刻,我當年嘅對象係初中嘅同學,但我哋拍咗兩個月拖,對方就移情別戀我嘅好朋友,可能大家只係拖吓手愛得唔深,我當時唔算太傷心,只係去咗唱K發洩吓就冇事。」

  Bella仲自爆同初戀男友雖是同學,但已冇聯絡,反而同情敵女同學仲keep住好朋友關係,「嗰時其實都唔知咩叫拍拖,傻更更咁開始同結束,佢同我女同學後尾都分咗手,我同個女同學有見,但大家都冇再提起個男仔,證明都係愛得唔深,初戀真係特別單純,若然o依家發生,一定冇可能同情敵做到朋友啦!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd