首頁 日報娛樂

同嘉欣娜姐合作未夠喉 劉德華望未來再續前緣

12/07/2019
■華哥拖着嘉欣和娜姐約定兩個女神下次再合作。
■華哥拖着嘉欣和娜姐約定兩個女神下次再合作。 (1/7)

  劉德華最近在電影《掃毒2天地對決》首度跟林嘉欣和周秀娜合作,跟兩位女神分別有一段情,華哥話甫埋位已有種跟兩個女主角相逢恨晚感覺,嘉欣和娜姐亦大讚華哥這個好對手,不論外型和演戲都一樣無得頂,三人仲約定未來再繼前緣。娜姐又大讚華哥演醉酒勁似,華哥即自爆背後原因。而嘉欣和華哥又透露為人父母後,演父母角色的感受和分別。 撰文:杜淑霞 攝影:李維隆

髮型:hin wan(嘉欣)、Amber Tse@IL Colpo Central (On Lan Street)(娜姐) 化妝:Lai(華哥) 、will wong(嘉欣)、Lily Lam @ndnco 服裝:Louis Vuitton(嘉欣)、 Bapy by A BATHING APE @i.t 場地提供:The Mira Hong Kong

  戲中華哥演出身社團的富豪,做古惑仔時跟娜姐有一段情,撈正行後認識任律師的林嘉欣,兩人結婚。華哥直言有份選角,「我覺得佢哋兩個好啱演,其實我覺得同佢哋兩個係一個故事,不過有個掃毒去包裝,希望大家睇掃毒外,都要留意番呢兩段感情,我哋三個人其實劃咗個三角形,佢哋兩個嘅圈圈中間就係我,我哋兩個環係扣得好緊,我哋呢條線都可以拍部戲。」

  華哥更形容跟嘉欣和娜姐合作有種相逢恨晚感覺,「(睇着嘉欣)點解依家先遇到;(望住娜姐)我哋就分手早得滯,下次再續前緣啦!」華哥更自豪娜姐連外型都襯,「我哋拍完第一個take後,導演(邱禮濤)就望住我哋兩個話『好襯呀你兩個!』我就答佢『你讚我定笑佢呀!』不過我哋之前冇前科,但埋位就覺得係男女朋友,係咪好奇怪。其實同仍哋兩個都有呢種相逢恨晚感覺,未來有好多機會再合作。」

扮醉酒有秘訣

  嘉欣又大讚同華仔演戲感覺好真實,「我覺得好似過緊生活,我哋做夫妻嘛,真係好似家庭咁,我自己都相信咗。(華哥:我哋商業片嚟,唔好講得喧藝術啦咁!)哈哈!係好生活化呀!」娜姐就讚華哥扮醉超似,「佢一入嚟真係好似醉酒嘅狀態,左撞右撞又跌倒,令到我真係好憎飲醉酒嘅人。」華哥就自爆扮得似原因,「我完全唔飲酒,(但扮得好似喎!)因為啲人醉晒我好清醒,杜Sir(杜琪峰)套《孤男寡女》有一場戲我醉坐喺度係咁講嘢,佢問我點解咁似嘅,我睇佢哋囉!嗰時因為太真成場對白要配過。」

  戲中嘉欣和華哥這對夫妻好恨生B,已是兩女之母的嘉欣事前有專登去訪問身邊朋友,「有啲結咗婚10幾年都生唔到,每日要打賀爾蒙針,自己作為女人,自己又有小朋友,好明白呢個角色嘅痛苦,所以拍我同華哥嘅嗌交戲,係好肉緊嘅。」華仔就話現實做了爸爸後,私人生活反而比演戲分別大,「我好早已經演人老竇,郭富城做過我個仔,(嘉欣尖叫:邊套呀?)《雷洛傳》呀!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd