首頁 日報娛樂

推出音樂教養著作 張崇德教孩子面對逆境人生

12/07/2019
■張崇德推出新書,今次以爸爸、老師、學者身份出一本關於音樂教養的書。
■張崇德推出新書,今次以爸爸、老師、學者身份出一本關於音樂教養的書。 (1/6)

  音樂人張崇德博士近日推出第7本著作《音樂教養—音樂培育孩子的8個美好》,以他多年來的個人及教學經驗寫成新書。為趕製在書展前推出,崇德用咗6星期,不眠不休寫5萬字:「眼見o依家好多人有負能量,呢本書亦有提供小貼士,如果搵到啱嘅音樂嚟調劑,無咁易走入困局,期待別人俾到開心自己,唯有自我去調節尋找快樂源頭,甚至感染埋身邊人開心,咁個世界會更加美好。」 採訪:方騫平 場地:丸十牧場@旺角

  自兩年多前,崇德和太太劉美娟出過《讓孩子學會輸得起》後受到關注,有出版社建議他以爸爸、老師、學者身份出一本關於音樂教養的書,最後他寫咗學音樂能培育孩子快樂、耐性與毅力、修養、創意、社交與溝通、增強自信心、有助刺激腦部發展及能減壓8個好處,但強調要孩子在冇壓力下享受音樂,否則只會增加負擔,對未來冇幫助:「我教學17年嚟一直篩選學生,有啲家長為張cert,令仔女文武全才去考間名校嚟學音樂,同我理念好唔同,我堅持音樂係要令小朋友開心,所以反對家長高壓要求仔女練習,或者逼仔女喺親友面前表演。持久訓練下,小朋友會練到耐性,面對將來考試,甚至人生都係好事。」

  張崇德大讚一對分別12歲和10歲嘅仔女(日希和日晴)音樂天份好高:「我俾佢哋自由發揮,我仔女第一樣學嘅樂器就係好偏門嘅打鼓,5歲時阿囝啱啱學咗幾個月,我哋一家4口仲喺商場表演,o依家佢哋學緊結他、色士風,又操返鋼琴。」既然有咁多好處,會否叫埋好友栢芝兒子學呢?崇德即避談道:「其實由每個父母決定仔女未來成為一個乜嘢人,之前傾仔女經時栢芝亦冇提過,而且我哋各有各忙,好耐冇接觸喇。」

其他文章
Busking靚聲王 唱而優則演 黃進林感激范振鋒提攜

  由范振鋒親自發掘、又是太太李思欣師弟的新晉歌手黃進林(Michael),畢業於香港演藝學院...

hd