首頁 日報娛樂

Tommy投資七位數搞舞台劇 莊端兒脫剩內褲演牀戲

12/07/2019
■35E莊端兒首演舞台劇,講到明性感程度近乎底線。
■35E莊端兒首演舞台劇,講到明性感程度近乎底線。 (1/6)

  E-Kids成員阮民安(Tommy)轉型做策劃人,投資七位數與擔任監製的劉翁搞舞台劇《夜谷賓館營業中》,演員有網紅歐陽仲豪(豪Dee)、林慧韡(達哥)、莊端兒(Xenia)及羅莽師傅等。首演舞台劇的莊端兒同豪Dee會有火辣牀戲,底線係「除剩底褲」,Xenia坦言都怕豪Dee血氣方剛,演戲時有生理反應,她更爆料:「單係影宣傳海報時,我經已feel到佢有股熱氣飄埋嚟。」採訪:方騫平 場地:Stadium@銅鑼灣



  改編自作家藍橘子網絡小說的舞台劇《夜谷賓館營業中》將於本月27至28日公演,故事講述達哥飾演嘅癲癲哋賓館老闆與幾位房客發生嘅「怪事」,亦會將香港近期發生嘅事放入去。Tommy笑言要三顧草蘆先搵到呢班大忙人幫手,尤其達哥係心目中首選:「我老婆好鍾意睇佢網上打機片段,覺得佢好好笑。」

  莊端兒演豪Dee女友,她坦言角色有啲「激動」:「唔知豪Dee出咗幾錢暗盤投呢個角色返嚟做?因為一開波場景就係牀戲,算係我幕前最大嘅突破。其實好睇Tommy畀幾多酬勞我,愈多可以愈激。」Tommy笑說:「我睇外國恐怖片,女主角喺閨房冇乜着衫,仲要係咁跑喎!我諗唔會令觀眾失望嘅!」莊端兒笑住反問:「係咪好似速龍咁呀?不過當日影海報時,Tommy指導我面貼面靠近豪Dee,仲要將手搭住佢大髀,我見佢成個人硬晒,感覺到佢嗰股熱氣飄埋嚟。」Tommy大笑補充:「佢唔只一度硬,係全身硬晒軚,對住莊端兒郁唔到係正常嘅,所以我老婆唔畀我做呢個角色,(咁怕老婆咩?)咁結咗婚梗係要尊重另一半意見嘅。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd