首頁 日報娛樂

成功挑戰阿根廷極限演出 蔣祖曼泰臣開心練大個膽

12/07/2019
■Joman和泰臣為今次演出都操得好fit,Joman更成功去水腫輕6磅,兩人都話會努力keep住。
■Joman和泰臣為今次演出都操得好fit,Joman更成功去水腫輕6磅,兩人都話會努力keep住。 (1/7)

  蔣祖曼(Joman)和泰臣早前獲澳門美獅美高梅邀請,為美高梅劇院阿根廷極限表演《FUERZA BRUTA WAYRA》著名橋段《Mylar:天空泳池—膜拜吧,水中女神!》及《Corredor:奔跑吧,極速人生》,分別擔任表演嘉賓,兩人順利完成上月29日演出,坦承有過今次難得經驗,「我哋個膽大咗,將來有咩表演都唔怕啦!」採訪:杜淑霞

髮型:Haffman Cheng  化妝:Jess Yung  服裝:Agnes b

  Joman和泰臣都坦言完騷已即時產生強烈失落感,Joman話:「好似畢業嘅感覺,我離開咗個台返到入去間房已經失落。」連續兩周演出的泰臣說:「上次失落指數係7分,今次就有9分,最可惜係好難有機會再見番啲阿根廷工作人員。」

  兩人互評表現,大家都大讚對方完全脫胎換骨。泰臣說:「睇住Joman硬住個身瞓喺啲水度好似條浮屍咁,到團員指導佢之後佢好努力練,真係見佢做番女神啦!」Joman就直言,「泰臣平日唔多做運動,第一日練咗小小,佢已經好似就嚟斷氣嘅老爺咁,依家快到好似倉鼠咁仲有貨淨。」

  Joman和泰臣都自評今次表現有80分,認為有好大進步空間,特別是第二次演出的泰臣,「我今次係要求高咗,因為愈明白個表演,愈發覺自己做得到更少。」不過,兩人都覺得演出後令自己膽更大,Joman說:「好似之前生完仔咁,覺得冇乜嘢好驚,今次都係一樣,排練時間又短,語言溝通又有障礙,竟然可以完成到。」泰臣亦好同意,「今次個騷咁大體力,又唔使對白,我真係冇諗過自己做到,仲要有貨淨,真係令到我超越同突破到自己。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd