首頁 日報娛樂

寫真女王中環現身 52歲溫碧霞大晒氣質

12/07/2019
■Irene慣性以吊帶裝出巡,青春逼人。
■Irene慣性以吊帶裝出巡,青春逼人。 (1/7)

  現年52歲、擁33B、24、33神級身材嘅美魔女溫碧霞(Irene),日前再度殺入寫真書戰!推出第5本寫真集《海潮》。日前下午,Irene偕女助手現身中環整手機,見穿上白色吊帶裙、厚底鞋嘅佢性感迷人,行樓梯出入時仲鬼咁優雅,真人同寫真相一樣咁有氣質㗎! 採訪:李權威

  溫碧霞日前搶先推出其寫真集《海潮》,又透露9月會喺內地推出另一版本,屬自傳式寫真,會有多啲細個嘅相,講細個入行經歷、成長心路歷程等。而稍後忙晒寫真活動後,7月30日53歲生日嘅佢會同老公Kenny及囝囝Xavier,飛往美國慶祝兼陪兒子放暑假。

  日前下午,Irene穿上白色吊帶裙、頭紮小辮青春逼人,現身中環威靈頓街一間手機舖。見佢坐低後將自己手機交畀店員check,然後又問吓嘢,似乎係換咗新機,未習慣點用。逗留約廿分鐘,搞好晒setting嘞!Irene微笑拎回手機,check完訊息再拉助手行埋一邊,影幾張相睇吓。睇完相,寫真女王笑笑口好滿意,就同助手離開。見骨架細、體重僅得103磅嘅長髮Irene,好自信咁慢慢步出,再行數分鐘去搵司機,成身散發仙氣,學佢話齋「性感同靚都係感覺,最緊要有氣質。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd