首頁 日報娛樂

陪阿媽買餸有傾有講 袁詠儀家有超乖「魔童」

12/07/2019
■兩母子行完超市,魔童先向記者揮手,之後輪到靚靚。
■兩母子行完超市,魔童先向記者揮手,之後輪到靚靚。 (1/8)

  張智霖同老婆袁詠儀帶12歲囝囝張慕童(魔童)去咗瑞士參加夏令營,一家三口玩得好開心。出發前,靚靚帶已高到佢下巴位嘅「迷你靚靚」魔童去銅鑼灣Shopping同買餸,小朋友同阿媽好好傾,買嘢期間有商有量,又邊行邊搭住阿媽膊頭,又靚又乖仔,恭喜Chilam同靚靚。 採訪:李權威

  靚靚同老公經常參加內地真人騷節目,搵大錢之餘又可以放閃,收錢講私隱當然無問題,所以你會聽到張氏夫婦講陳年情史,但現實世界呢,當然兩回事,以前靚靚出街唔鍾意俾記者追蹤,抱住個仔更加咪使旨意影到魔童條眉毛,不過,個仔大咗,自己開咗ig,靚靚都唔再強硬保護囝囝五官曝光。

魔童好Nice

  日前下午4點,靚靚同個仔去咗利園買衫,小朋友係A Bathing Ape迷,快速買完就拎袋衫交畀司機,兩母子再去買珍珠奶茶然後行去時代地庫超市買餸,兩母子喺超市一直有傾有講,關係非常Close,快買半個鐘阿囝搭住阿媽膊頭搭電梯離開,一上地面,有禮魔童主動同記者揮手,一直Keep住無笑容嘅靚靚見到囝囝釋出善意即跟住向記者揮手,畫面好溫暖。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd