首頁 日報娛樂

紅星齊賀《頭條》邁向15周年 黎耀祥陳煒森美派雪糕助興大受歡迎

13/07/2019
■黎耀祥、煒哥及森美鼎力支持《頭條日報》活動,合照時更互相禮讓中間位置。
■黎耀祥、煒哥及森美鼎力支持《頭條日報》活動,合照時更互相禮讓中間位置。(1/7)

  昨日是讀者人數最多的免費報章《頭條日報》的創刊日,為慶祝邁向15周年,《頭條》昨日向讀者大派福利,邀得視帝黎耀祥及金牌主持人森美等紅星,分別到中環和銅鑼灣大派軟雪糕給讀者消暑,民選視后陳煒途經銅鑼灣亦欣然加入送上驚喜,現場馬上升溫,吸引更多粉絲及市民圍觀兼「集郵」,大家亦踴躍下載本報的App,人群逼爆大半條街,場面非常熱鬧!眾星均開心祝賀《頭條》生日快樂,業務繼續蒸蒸日上!

  昨日的《頭條日報》「開心Fun」活動現場星光熠熠,龐景峰、崔碧珈、李思欣、范振鋒、林雅詩、馬天樂、唐貝詩等亦紅星鼎力支持,活動堅係着數,只要成功透過手機下載「頭條日報App」及「頭條Jetso App」就可以換到軟雪糕一杯,如果身份證有7、1、2呢3個幸運數字,工作人員馬上送出一把設計精美的「頭條家族透明雨傘」呢!

雪糕車首站先進駐中環,崔碧珈第一次喺街頭派雪糕覺得好有趣,因雪糕車係香港特色;李思欣就話除咗食雪糕,消暑妙法喺著性感小背心,但阿范強調只能私有化,只係畀老婆留喺屋企咁樣著。

祥仔森美:《頭條日報》正!

好戲在後頭,黎耀祥及森美現身銅鑼灣鬧市時場面非常墟冚,市民大排長龍攞軟雪糕,又合照留念,最驚喜竟野生捕獲煒哥,原來她被雪糕車音樂聲吸引走上前,真有緣份。昨日煒哥身穿白色短裙,簡約中晒出長腿,睇見她都甜到入心,問到她甜定雪糕甜啲先?煒哥大笑說:「大家一樣咁甜,其實我都好鍾意食雪糕呀,不過,就有人話我真人靚過上鏡咯,哈!呢個我認㗎!」

至於祥仔、森美就係咁被粉絲拉住「集郵」,猛讚話佢哋好正,兩人異口同聲話唔夠《頭條日報》正!因為他們都係本報鐵粉,日日跟進最新最精采資訊。祥仔笑說:「嚟緊我會拍港姐特輯,年尾又會有個新嘅遊戲節目出街,大家記住睇喎。」森美就話:「我係《頭條》專欄作家嚟㗎,《頭條》內容真係好多元化,好掂!希望大家多多支持啦!」

採訪:方騫平、李佩儀 攝影:李權威

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd