首頁 日報娛樂

老婆力撐晒肌拍寫真 楊潮凱獲同性支持感光榮

17/07/2019
■平日靠打泰拳keep fit的潮凱,影寫真集前狂做健身練得一身靚body。
■平日靠打泰拳keep fit的潮凱,影寫真集前狂做健身練得一身靚body。(1/7)

        楊潮凱離開TVB後,最近再有新搞作,推出首本寫真集《Go With The Flow》,作為自己入行10年紀念。寫真集內潮凱有不少晒肌性感造型,不過他強調得到老婆江玉儀百分百之力撐,他更笑言打算送給一歲囡囡兩歲時的生日禮物;至於藉此吸納同性粉絲,他就認為是好事,亦覺得是自己的光榮。

潮凱謂本身好鍾意攝影,以往只想過將自己作品出書,反而冇諗過出寫真集,最初獲出版社邀請時都有猶豫,「嗰時我啱啱拍緊《法證先鋒IV》,為個角色增肥到170磅,狀態好似唔係太適合影,不過我最後都答應咗,當係自己入行10年嘅紀念,亦都想挑戰吓自己,結果我用24日減咗26磅,自己都估唔到可以做到。」至於書名《Go With The Flow》就是他入行10年所領略,「如果喺娛樂發展,只要順其自然就會舒服好多。」

驚除衫影畀人拉

  潮凱仲話今次影寫真集,老婆一如以往力撐他,「佢一向好支持我嘅決定,由離開TVB變自由身,到今次出寫真集都係,佢仲叫我畀心機去影相。(啲相都幾性感喎?)太太唔會介意,佢覺得影得靚就OK。(第時會唔會畀囡囡心悅 Catherine睇?)我諗住佢兩歲時送畀佢做生日禮物呀!哈哈!」問到有冇想過出寫真集會多了同性粉絲,他就覺得是好事,「你唔問我真係冇諗過,但係可以吸納到唔同層面嘅支持者,絕對係我嘅光榮嚟。」

  講到去馬來西亞拍攝,潮凱笑謂只擔心會畀人拉,「我哋喺檳城影咗4日,係第一日比較辛苦,因為要走五、六個景,但團隊好齊心,影得好順利。不過,當地始終係伊斯蘭教,我有啲相要當街除衫,都驚畀人拉,隨時成為佢哋開國以嚟第一個因影寫真畀人拉嘅藝人。」

採訪:杜淑霞

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd