首頁 日報娛樂

《「偷食」最幸福》講男人經 森美讚老婆靚又姣唔敢曳曳

17/07/2019
■滿肚墨水的森美以往出過13本著作,今次出書除留為紀念外,仲分享近年的生活日記,當中會理智地分析對愛情睇法。
■滿肚墨水的森美以往出過13本著作,今次出書除留為紀念外,仲分享近年的生活日記,當中會理智地分析對愛情睇法。 (1/7)

  金牌主持人森美,近日推出兩本新書,其中《「偷食」最幸福》中,他似有感而發說:「男士們,『偷食』其實從來都不幸福!」森美一度被捲入「安心偷食」風波,被指係與黃心穎過從甚密的電台DJ,他否認書名係乘機「抽水」:「件事都過咗啦,做人唔好畏首畏尾,其實本書係講自己唔係旅行達人,卻主持咗受歡迎嘅旅遊節目《森美旅行團》,自己唔專長但『偷』人哋嘅嘢嚟食啫。」 採訪:方騫平

  今年書展,森美除咗推出結集《星島日報》、《頭條日報》專欄散文,講親子及愛情散文集《兩招脫宅》外,另一本係《「偷食」最幸福》:「其實呢本係生活散文,文中有講keep fit、抗抑鬱等,雖然我冇再食抗抑鬱藥,但心裏面時常唔快樂,當中都會教人點樣可以令自己生活過得快樂啲。至於講到男人偷食,哈!最慘近排自己冇偷食,所以冇經歷寫落去,我又唔夠膽寫比較敏感話題,喺寫作方面我會比較保守,寫咗就一世,怕影響到人,都要幾謹慎。」

  唯一有話要講,森美坦言男人經常有偷食念頭,但只要設法阻止便成,他笑言:「最好辦法係加大男人成本,咁男人就會好驚,計一計數,偷食抵唔返所享受,咁偷嚟做乜?所以我身邊朋友老婆成日咁講:『偷食一世唔會令你好過!』對男人而言,揀過靚老婆就易忍啲,我夠膽講,我好好彩,老婆夠靚又夠姣,又有學識,相夫教子,仲肯揀我呢個籮底橙!所以我好OK!」又直認預科時曾劈腿,同時間愛上3個女仔:「經驗之談當時真係好辛苦,晚晚傾電話冇得瞓,後來識咗我老婆,都試過同其他女仔約會吓。o依家都有狂蜂浪蝶,不過唔會好似細個時咁衝動,會以理智行先,所以做人唔好太天真,以為下一個會比呢個好。」

其他文章
如願跟曹佑寧合作 陳家樂自爆拍《綁靈》 笑料多頻NG

  由「鬼王」潘紹聰(Edmond)監製的驚慄片《綁靈》,集合港、台兩大男神陳家樂和曹佑寧(小...

hd