首頁 日報娛樂

屋邨開診所 揸百萬辣跑 揭陳煒新歡 密密做「月球醫生」

17/07/2019
■陳煒與醫生男友陳國強上年結緣,男方曾分享在開幕活動的合照。網上圖片
■陳煒與醫生男友陳國強上年結緣,男方曾分享在開幕活動的合照。網上圖片(1/7)

45歲失婚已7年嘅陳煒,早前大方承認與6呎高醫生陳國強相戀,獲不少粉絲祝福。惟戀情公開不久,即有人爆料稱陳國強與前妻未離婚,直指煒哥為「小三」。事後陳醫生回應時Man爆護花,澄清與煒哥拍拖時已回復單身。能吸引到索爆煒哥,全因陳醫生夠勤力,早年在將軍澳一屋邨開診所,近年更孖黃智賢等開醫學美容中心,密密做「月球醫生」(月賺百萬),絕對有能力養得起煒哥啦!

日前拖高大新歡現身峇里島一醫學座談會嘅陳煒,爆出新戀情後火速認戀,認與年輕約5歲、同係失婚嘅醫生陳國強譜「雙陳姊弟戀」。本報收到消息,指煒哥新男友陳國強醫生(Dr. Aldous Chan)受歡迎程度不遜於女友,係個大受街坊歡迎嘅屋邨家庭醫生。指陳國強早喺九十年代初睇準商機,離開任職嘅屯門醫院,進駐剛落成嘅將軍澳景林邨開診所做家庭醫生。挾住超過十個醫學銜頭,加上「獨市生意」,陳國強做到無停手,尤其流感高峰期,開門無耐就派晒籌。待站穩陣腳後每天更跑兩場,下午4時半收工趕去奧海城就診,榮升做「月球醫生」。

煒哥讚好勤力

  知情者又稱陳醫生好得老人家歡心:「陳醫生陰聲細氣超級細心,睇氣管最掂,最重要係對症下藥,用靚藥唔拖症,真係一個好好醫生!」據知,陳國強近日為爭取更多時間拍拖,目前經已將旺角醫務所轉交醫生拍檔打理,唔使兩邊走,而醫學美容中心有兩位醫生,安排私人時間較有彈性。對於男友被稱讚係暖男街坊醫生,煒哥甜讚說:「佢真係好好,咁勤力係好值得欣賞,不過真係好忙,冇乜時間。」

  昨日,本報到景林邨追訪陳醫生,約下午4時半他拎公事包離開診所,行往停車場取車。沿途記者追問他有關離婚一事?煒哥被指「小三」等,陳醫生都禮貌拒答,只謂「我之前已回應晒!唔講了,唔好再跟啦!」然後登上佢架套上自訂車牌的紅色百萬辣跑,開車走人。

採訪:方騫平、李權威、梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd