首頁 日報娛樂

自爆月初第二次雪卵 蔡卓妍澄清非為男友準備

18/07/2019
■蔡卓妍做完第二次雪卵搞到有點腫。
■蔡卓妍做完第二次雪卵搞到有點腫。 (1/3)

  前晚蔡卓妍(阿Sa)面腫腫抱病出席品牌活動,自爆於月頭進行第二次「雪卵」手術,本應要好好休息,卻因忙於排練舞台劇,欠缺休息之下體力不支感冒了。被問到是否為男友石恆聰辛苦做好準備?阿Sa即大笑「澄清」:「咁都關佢事咩?我自己嘢嚟!」

  阿Sa透露今次雪卵好過上次,加埋只雪20幾粒,因解凍後存活率只有七成,雪兩次更有保障,但數量都夠了!問男友可有獎勵?她即劃清界線說:「關佢事咩?我自己嘢嚟!」雪卵副作用令她整個人肥了,不敢上磅,「噚日去探容祖兒綵排,我話佢好瘦,佢一手插去我條腰,講咗句『你都好……做番啲運動』!

  提到好拍檔鍾欣潼(阿嬌)身形暴脹疑似懷孕,阿Sa說:「最多一齊減肥!其實阿嬌係賀爾蒙失調,我都有介紹個婦科醫生畀佢。」問到阿嬌被誤會大肚婆可會感不快?阿Sa自言不能代答,但相信每個女仔聽到都會有啲唔開心,幸而她比較樂觀。

  另外,活動後阿Sa會合阿嬌捧鄭秀文(Sammi)場,當晚索人妻謝安琪(Kay)和Sammi合唱《默契》,Kay攬Sammi纖腰大讚「好正」。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd