首頁 日報娛樂

封劇后無助演出機會 關寶慧決跟李蕙敏合資開戲

19/07/2019
■劇中寶慧飾演一個嚴厲的校長,經常跟大班學生一齊。
■劇中寶慧飾演一個嚴厲的校長,經常跟大班學生一齊。(1/5)

        早前首度封舞台劇后的關寶慧,最近相隔30年再挑戰音樂劇《我們的青春日誌》,寶慧坦言對自己仍無乜信心,特別在唱歌方面,於是不停搵該劇監製兼導演陳恩碩(Tom)惡補,狂執唱功。她又直言,香港女藝人演出機會有限,故打算跟好友李惠敏齊合資,自編自演一套女性電影,一於自製演出機會。

        4月寶慧憑舞台劇《她媽的葬禮》獲《第28屆香港舞台劇獎頒獎禮》頒發「最佳女主角(喜劇/鬧劇)」獎,領獎後她哭成淚人,她坦言這是入行28年首個獎,確是百般滋味在心頭,「自己真係冇諗過會有獎,呢啲真係天時地利人和,可能咁啱啲評委睇正我做得好嗰場。」她直認是個沒自信的演員。

留堂惡補唱功

  難怪今次排練本月23日至28日假理工賽馬會綜藝館公演的《我們的青春日誌》,相對有經驗的寶慧反而更花時間,「我有太耐冇演過音樂劇啦!所以只要Tom有時間我都會練。」但Tom 就讚她,「我睇咗《流行經典50年》決定搵佢,佢唱現場無問題嘅。」但見寶慧綵排後再留堂搵 Tom惡補,重覆咁唱,仲每粒音都做紀錄,相當勤力和認真。

  問到寶慧得獎後會否對未來發展更有信心?她反而道出女藝人的無奈,「講真我唔覺得會,其實得獎個舞台劇自己都有份投資,先至有咁嘅機會,香港女藝人要搵好嘅演出機會唔易,我哋呢啲年紀更困難,所以嚟緊我會同李蕙敏一齊合資,我哋一齊寫緊個女性電影劇本,打算自己演埋,一於自己製造演出機會囉!」

採訪:杜淑霞

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd