首頁 日報娛樂

卸任東華主席搞旅遊生意 王賢誌辦西藏遊朱慧敏支持

19/07/2019
■王賢誌與朱慧敏一齊遊覽納木措時,玩得好開心。
■王賢誌與朱慧敏一齊遊覽納木措時,玩得好開心。 (1/8)

  王賢誌(Vinci)自卸任東華主席後即投入家族的旅遊生意,未去過西藏的他,早前做搞手組團到西藏,朱慧敏(Queenie)亦有參加。由於西藏位於高海拔地方,空氣很稀薄,故出發前他們要服用抗高山反應藥物,到達後做所有嘢都唔可以急。一直好想去當地的Vinci及Queenie都覺得此行好難忘,前者對要行千幾級樓梯先去到布達拉宮最印象深刻,而Queenie則是在大昭寺做五體投地跪拜時,學習放下而深受感動。撰文:李佩儀

  Vinci籌辦的「西藏深度遊」,連埋其伴侶Kevin和Queenie,一行10人共去了9日8夜。由於Vinci很熟悉團友的喜好,知道大家鍾意影相,故每個景點都預留充足時間畀大家影到夠。旅程包括行寺廟、遊神山、聖湖和冰川,包括熱門的布達拉宮、大昭寺、八廓街和西藏三大聖湖羊卓雍錯等。為了令身體較易適應,Vinci到達後先跟團友在酒店hea了兩日,然後才出發到不同景點。他最難忘是到海拔3,700米高的布達拉宮時,要行一條千幾級的樓梯,他坦言:「行上去時真係索晒氣,成日都要深呼吸,但又唔可以太心急,要慢慢行,都行咗個幾兩個鐘。」

  而Queenie因為是食素的,大家都擔心她去到食唔飽,她則笑言:「咁啱去到當地有節日,居民要齋戒一個月,所以有好多唔同嘅素菜畀我揀,包括中菜、西藏菜、尼泊爾菜同印度菜,所以全程我都食得好開心。」此行Quennie仲影咗好多靚相,但她表示很多廟宇內都不能拍照,所以鍾意西藏的朋友,一定要親身去感受。有日她更與當地人一齊在大昭寺內做五體投地跪拜,她解釋:「呢個唔係拜神儀式,而係要學習放下傲慢心,提升謙卑,所以做完後我覺得好感動。」她笑言行程去到最後一日,一直不敢大動作的他們,決定玩刺激的「蓋棉胎」和「潛烏龜」等遊戲作總結,十分搞笑!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd