首頁 日報娛樂

陳家樂衛詩雅提議合演情侶 苗僑偉竟成爭奪對象

19/07/2019
■如果三哥、家樂和詩雅合演情侶,外型上絕對無違和感。
■如果三哥、家樂和詩雅合演情侶,外型上絕對無違和感。(1/6)

        苗僑偉(三哥)跟陳家樂和衛詩雅最近在新戲《掃毒2天地對決》中首度合作,戲中三人為掃毒組探員,身為「上司」的三哥被兩位「下屬」大讚,戲裏戲外都好照顧人,詩雅更形容「有三哥冇奔波」。而家樂和詩雅相隔10年再演情侶,連三哥起初都誤會他們是真情侶;三人又笑言下次再合作可演情侶,詩雅更大膽提議同家樂爭三哥。

        要詩雅和家樂講同三哥合作感受,他們首推三哥的動作戲。詩雅化身小粉絲說:「三哥真係超型,單係開槍唔眨眼,已經好厲害,我哋同導演(邱禮濤)睇片都忍唔住猛話型。」家樂就讚三哥夠體貼,「三哥開工都會萬歲㗎!我哋拍嗰時係夏天,有日竟然有椰青飲!幾正呀!仲試過有深井燒鵝食呀!」詩雅忍唔住爆出一句,「 真係有三哥冇奔波呀!」三哥就好謙咁解釋,開槍唔眨眼,只因功多藝熟;至於萬歲就因他本身都好為食喎!

自創三角戀

  講到同兩後輩合作,三哥話:「好輕易投入到,唔使再磨合,佢哋都好敬業值得讚嘅。」談到家樂和詩雅再演情侶,三哥竟爆話:「我最初以為佢哋真係拍拖,佢哋又登對,戲裏戲外都係咁相處,現實生活排緊戲咁。」兩人就話熟絡會更有默契,家樂說:「好似有場雪房戲,劇本冇寫到咁細,凍我咪除件衫畀佢。」三哥踢爆現場其實好熱,家樂即自爆,「所以我咪除衫畀佢囉!」詩雅即反駁,「所以我初初係拒絕佢㗎!」三人仲話唔夠喉想再合作,最初三哥提議做二人爸爸,家樂卻話:「不如做情侶,我同三哥一對!」詩雅再謂,「我哋爭三哥,我仲爭輸咗呀!」

撰文:杜淑霞 攝影:李權威  

髮型:Wiltam(詩雅)、Kenricksiu(家樂)@fifthsalon 化妝:Kayte Fung(詩雅)、Khaki Yan(家樂)服裝:Lane Crawford(詩雅) 場地:香港九龍貝爾特酒店

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd