首頁 日報娛樂

兩公婆睇小說阿女詐型 Yumiko陪女揀玩具o氹返

19/07/2019
■梁浸浸睇中嘅玩具可以畀小朋友發揮創意,父母覺得益智即買。
■梁浸浸睇中嘅玩具可以畀小朋友發揮創意,父母覺得益智即買。 (1/8)

  上月尾,鄭希怡(Yumiko)帶埋個女返上海鄉下為香港開電視拍攝全新旅遊節目《神奇旅俠》,要離港十日,當時Yumiko仲叫傳媒幫手目及住老公,十日好快過,話咁快返歸嘅Yumiko又一家三口出動。日前下午5時,Yumiko同老公及囡囡梁浸浸現身銅鑼灣誠品,小朋友無乜耐性,陪父母睇小說無耐已如蟻咬般周身郁,Yumiko可能習以為常,即帶囡囡行去兒童部睇玩具,快速化解囡囡嘅不滿。 採訪:梁志明



  同Yumiko好老友嘅應采兒因為發表大肚婆棄貓論而被中港澳貓狗主圍插,從來都話禍從口出,Yumiko就醒呢,講潮流講湊女就唔會得罪人啦!

浸浸好得意

  當日,一家三口先去誠品睇小說,4歲浸浸當然唔會睇,佢主力纏住爸爸,睇咗一陣,浸浸Feel無聊,係咁扭嚟扭去,Yumiko見到就帶囡囡去兒童部,嗰度有大量圖書及益智玩具,浸浸咩都啱手指指,Yumiko踎低同囡囡慢慢揀,揀咗15分鐘,買咗幾本小說嘅爸爸現身,浸浸即刻拖住爸爸去睇心水嘅組件式玩具,個女鍾意,呢對父母即刻去畀錢,離開行去停車場時,浸浸拎住大大件嘅玩具好開心,小朋友好易快樂,真好。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd