首頁 日報娛樂

拋開爭產煩惱 朱玲玲陪羅康瑞Shopping笑晒

19/07/2019
美魔夫妻
60歲嘅朱玲玲打扮簡約,化咗個淡妝好亮麗,見佢笑容滿面甜繞71歲丈夫羅康瑞恩愛出巡。二人凍齡有計,女方keep住打羽毛球;男方則愛操練十八法及習詠春多年。
美魔夫妻 60歲嘅朱玲玲打扮簡約,化咗個淡妝好亮麗,見佢笑容滿面甜繞71歲丈夫羅康瑞恩愛出巡。二人凍齡有計,女方keep住打羽毛球;男方則愛操練十八法及習詠春多年。(1/8)

        由「最美麗港姐」升格做「最美麗嫲嫲」嘅朱玲玲雖然踏入花甲之年,但樣貌與身材都無乜走樣。日前周日下午,依舊高貴大方嘅朱玲玲陪老公、瑞安集團主席羅康瑞,恩愛現身金鐘一商場。當日,見「上海姑爺」暫拋開家族爭產煩惱,被太太甜繞做連體嬰去名店Shopping。兩夫婦沿途有講有笑,又溫馨對望冧笑,幸福滿瀉!

        現年60歲嘅前港姐冠軍朱玲玲,08年11月與百億身家嘅羅康瑞喺新加坡再婚,近年弄孫為樂,早前佢出席公開場合時笑言湊孫好好玩,指新抱郭晶晶基因強,兩個小孫女似足媽咪。而佢位71歲靚仔老公羅康瑞,近年受「600億鷹君爭產案」纏擾,月前卸任貿發局主席一職,在港已無公職嘅羅生坦言「要享受人生」!

  日前下午3時,朱玲玲兩夫婦乘坐房車到金鐘太古廣場shopping。甫下車,兩公婆即繞手合體,沿途有講有笑落商場window shopping,見小鳥依人嘅羅太滔滔不絕,雙手愛放身後嘅羅康瑞則一直用心聆聽,偶爾甜笑望實愛妻,畫面勁sweet。未幾,兩公婆行過一間名店時,店員走出與羅太say hi,羅太即友善停下,繞夫笑笑口吹水展現親和力,不愧係港姐典範。

  其後,恩愛夫婦再繼續溫馨放閃周圍行,經過一間專賣手袋和皮鞋的心水店舖時,才雙雙入店。見朱玲玲專揀一啲舒適平底鞋,黑色、白色都好like,就分別試試;而老公就好有耐性坐低慢慢等,間中又畀吓意見,o氹到太太笑容滿面。逗留廿分鐘,朱玲玲揀中幾對鞋,就簽單等送貨,再兩手fing fing輕鬆繞實丈夫轉場,再入另一間名店睇手袋、皮革用品等,最終唔啱心水便離開。最後,二人逛足個半鐘才call司機接載走人。

採訪:李維隆

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd