首頁 日報娛樂

連續7場女嘉賓陰氣重 鄭秀文請MIRROR中和

22/07/2019
■Sammi對於請MIRROR任嘉賓好興奮。
■Sammi對於請MIRROR任嘉賓好興奮。(1/3)

  鄭秀文(Sammi)每場演唱會嘉賓都會為觀眾帶來驚喜,前晚連她都好興奮,「導演喺耳機提我仲要唱一首歌,『嘉賓』你哋喺後台食多個飯盒,等多一陣先!」她唱《默契》到一半,MIRROR成員姜濤和Anson Lo從升降台出場,其他成員從四方八面出場,全場起哄。唱畢Sammi說:「呢幾晚我都係請女嘉賓,陰氣太重,所以就請咗一班男仔嚟!」又說:「今次演唱會主題『我們都是這樣長大的』,雖然我Keep得好好,但我都一把年紀,MIRROR呢啲十幾廿歲嘅年紀我都經歷過。我希望今次演唱會舞台分享畀更多唔同歌手,無論資深歌手又或者新晉組合都好,呢個台都可以分享畀所有人為大家表演。」

  Sammi又笑說:「你哋真係好犀利,飯盒又要買多十幾個,化妝師和車都要加倍。今日真係好開心,雖然第一次見面,但係綵排時我有睇佢哋表演,我覺得好犀利,MIRROR為咗今次專登全新排咗一隻舞和歌,我希望你哋可以畀多啲support佢哋!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd