首頁 日報娛樂

擺脫父親狄龍影子 譚俊彥演包青天唔怕比較

24/07/2019
■譚俊彥入TVB搏咗四年,話係時候要搵新方向再出發,嚟緊會拍黑色喜劇。
■譚俊彥入TVB搏咗四年,話係時候要搵新方向再出發,嚟緊會拍黑色喜劇。 (1/7)

  無線相隔22年後重拍經典劇集《包青天》,當年狄龍演包青天深入民心,新劇《包青天再起風雲》中包拯一角交由他兒子譚俊彥(Shaun)接棒。對於「繼承父業」,譚俊彥竟然話無壓力:「新劇一早拍完,一切已成定局,嗲哋比我做得好就梗係啦,佢科班出身,由佢威落去囉。而新劇我會用嶄新方法演繹,同舊版好唔同。」 採訪:方騫平 場地:雲來客棧



  周一(22日)開播的新劇《包青天再起風雲》,狄龍兩父子相隔廿年演同一角,譚俊彥話好難超越到「狄龍版包青天」,他笑住說:「我無辦法贏到佢!自從22年前佢拍完100集《包青天》入晒血,至今都冇離開過角色,平日都好有霸氣,挺直咁坐。因為我嗲哋做乜都會畀自己好大壓力,佢有時壓力大到令自己、身邊人都好辛苦。好記得當年佢奉命撼金超群被抨擊,報道話一個拍得好開心,一個拍得好慘,個妝、把聲、甚至隻手有時唔夠黑都有得鬧。加上嗲哋由電影跳返入TVB拍劇,連張櫈都無得坐,咁啱嗰段時間祖母因病過身,好彩嗲哋休息咗一個月復工,狀態回勇,收視仲收復失地,相比之下,佢承受嘅壓力比今時今日嘅我多好多。」

  Shaun話尤其擔正拍完《特技人》及《天命》,大家認同他識做戲,唔係靠父蔭,早已鬆了一口氣:「今次我連嗲哋最耍家嘅《包青天》都做埋,我唔使同人同自己證明啲乜,可以離開狄龍影子下找尋新方向,更何況呢個新版講年輕包拯查案之餘,仲有動作場面,兼且同蝦頭(楊思敏)、姚子羚有搞笑及曖眛感情線,算係用嶄新方法演繹,同舊版好唔同。不過,我依然好搏,騎新疆快馬喺山上衝落懸崖邊,最後一日又因高山反應暈過,如果收視唔好,八成半責任喺包青天身上。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd