首頁 日報娛樂

吳卓羲追跑成身汗 Bob天橋「蠱惑跳」逃亡

24/07/2019
■最後一場,拍埋替身跳落地面(厚墊)嘅鏡頭就完成。
■最後一場,拍埋替身跳落地面(厚墊)嘅鏡頭就完成。 (1/8)

  由吳卓羲(Ron)、黃宗澤和關智斌三大型男合作拍攝嘅中港合拍新劇《戰毒》,近日正在趕拍中。日前晚上,本報在尖東巧遇Ron和阿Bob(林盛斌)拍外景。見西裝骨骨嘅Ron率手下在天橋追捕肥仔Bob,搞到Bob要跳橋逃亡。而當晚見Bob只須爬出去,真正負責跳嘅係替身咋! 採訪 : 李維隆、張詠森

  新劇《戰毒》演員陣容強勁,有黃宗澤、吳卓羲、關智斌組成「戰毒兄弟團」,講述三兄弟面對槍林彈雨和糾結難解嘅無間道,齊心斷毒、弘揚正義嘅故事。女主角亦有娜姐(周秀娜)、吳千語和24歲內地女星張雅卓。

  日前,吳卓羲拍晒電影《拆彈專家2》後,終於唔使兩邊踩,專心拍攝《戰毒》。當晚約8時,見尖東近海旁一天橋set晒燈ready拍攝,引來唔少途人和遊客駐足睇。未幾,見穿上花外套嘅Bob首先埋位,見佢被一班掛晒證件嘅西裝友追捕,由天橋一端奔跑至另一頭,結果一take就OK。

  其後,見一位光頭男着上跟Bob一模一樣嘅衣着做其替身,然後Bob和劇組人員在旁幫手,扶替身企出天橋試位。試啱位後,再call阿Ron等人埋位,Ron帶頭追捕替身Bob,又嘗試出手勸阻跳橋。拍完後,再輪到真人Bob上陣,先拍一個爬出鏡頭,再綁晒威吔埋位,爬出天橋與Ron等人對峙。兩位主要演員拍完,即吹水唞唞,見Ron頸上有條毛巾不停抹汗,成30度着西裝跑嚟跑去,真係焗桑拿㗎!最後,拍埋替身跳落地面嘅鏡頭就大功告成,10時半齊齊收工。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd