首頁 日報娛樂

孖女一歲收晒身 「高+索」熊黛林 甜老公買玩具

24/07/2019
索模回歸
■身高178cm嘅熊黛林,就算着波鞋都高過老公郭可頌。見人妻身材苗條,有腰有籮,體態好弗!
索模回歸 ■身高178cm嘅熊黛林,就算着波鞋都高過老公郭可頌。見人妻身材苗條,有腰有籮,體態好弗!(1/9)

        38歲嘅熊黛林(Lynn)去年為有米老公郭可頌誕下一對孖女Kaylor與Lyvia,眼見一對B女已一歲大嘞!靚媽咪亦已問准丈夫,月前復工返上海拍劇,賺錢買花戴。日前下午,阿Lynn兩公婆現身銅鑼灣一商場買玩具恩愛放閃。見人妻着上緊身牛仔褲配黑tee,身材有前有後,回復產前名模索爆身形,fit到漏油呀!採訪 ︰ 李權威

        做唔到城嫂,但咁橋都係做郭太嘅熊黛林,去年4月誕下可愛twins後,不時大晒孖女Kaylor與Lyvia得意照,分享湊女樂趣。早前Lynn喺社交網share一對孖女1歲生日相,卻被網民指佢跟剛迎來第二名女兒嘅舊愛郭富城鬥幸福,惹得Lynn大動肝火叫網民「滾出去」。其後,人妻北上拍攝內地劇,回港後又喺網狂呻一對孖女竟然對阿媽感到生疏,又被內地網民寸爆佢「扮外國人」。

  網民唔buy唔緊要,最重要有老公錫,早排阿Lynn以黑色貼身高衩長裙出活動時大騷Fit爆身形,表示身形已回復產前九成fit,想再瘦一啲,又指夏天來臨會自動瘦,加上要照顧一對孖女,都會瘦得好快,仲大晒幸福話太性感只可留畀老公睇,因為老公好保守,去旅行浸溫泉影背脊都唔畀po相喎!

Fit爆身形

  日前下午,黑超熊黛林偕丈夫去銅鑼灣一商場買玩具。見人妻着上窄牛配黑tee,身材苗條三圍分明,有腰又騷到結實臀部,回復產前fit爆身形。兩公婆繑到實先去一間shop睇BB car seat,逗留幾分鐘,無收穫就走人。之後,二人再去睇吓玩具,好快手就買咗一盒學簡單生果及英文字嘅磚形玩具走人。臨走前,兩公婆發現有記者表現友善,微笑say hi。見Lynn再買多兩件cake才甜笑繑夫落樓,然後上七人車返家湊囡囡。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd