首頁 日報娛樂

家燕姐聲演「家鸚哥」維妙維肖 王梓軒激讚:我笑咗好耐

09/08/2019
■家燕姐同王梓軒由合作拍劇到唱歌甚至上埋舞台,依家仲一齊配音。
■家燕姐同王梓軒由合作拍劇到唱歌甚至上埋舞台,依家仲一齊配音。 (1/6)

  薛家燕與王梓軒最近齊齊聲演暑期動畫《貓咪媽咪Home》,入行60年的家燕姐好細個已經為粵語片配音,今次演繹可愛吱喳鸚鵡「家鸚哥」無難度,連梓軒都親身見識到家燕姐生鬼抵死一面,他爆料說:「佢爆出精句,有句我笑咗好耐,佢唱住《皆大歡喜》句唏呀唏呀唏呀唏呀唏,再爆句:『我都唔知你乜唏嘅?』好正囉!」  採訪:方騫平 場地:INDEX工創空間

  動畫《貓咪》片中,講一對貓父子(由袁文傑及王梓軒聲演)之間愛與冒險的故事,雖然家燕姐只係配角,陪袁文傑搵仔,但用獨特方式演繹,非常搶戲,家燕姐說:「我會將Captain Nancy、慈姑同埋十字步女俠等經典角色精髓加入對白,其實配音員好專業,好靠聲演幫到演員,呢方面我係熟手,可以適當地加啲對白落去,令到家鸚哥更加活潑可愛。」梓軒就激讚家燕姐功力:「佢配埋《皆大歡喜》句『唏呀唏呀唏』歌詞落去,好好笑,尾後仲補多句:『唔知你唏乜!』」家燕姐也忍不住大笑:「咁你都記得,因為我配完呢句,家鸚個口仲郁緊,我都唔知配乜好,唯有爆肚加呢句,口形就啱啱好!」

  7年前梓軒配過《外星51》,但只係配角,今次「升呢」做主角「黑糖厚奶」,「戲份」還多過家燕姐,家燕姐同意道:「佢OK㗎!係配音新人王、後起之秀,我呢啲前輩可以同未來巨星合作都係一個榮幸啦。」梓軒不好意思回應:「全靠佢同袁文傑支持,可能拍過劇,拍劇可以訓練到清晰咬字。」家燕姐大讚梓軒,就算有好多反應聲都配得幾精準,笑問梓軒可會配三級片?對此,梓軒只懂傻笑,家燕姐即為他護航說:「咁就嘥咗佢,因為三級片全部都係配透氣聲。要有意義、好感性、好可愛嘅角色搵佢先啱!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd