首頁 日報娛樂

出道一年出碟兼開騷 黃妍感到太幸運

09/08/2019
■Cath謂大碟內,仲附有她親自寫關於每首歌的散文,貫徹其文青風格。
■Cath謂大碟內,仲附有她親自寫關於每首歌的散文,貫徹其文青風格。(1/6)

  去年黃妍(Cath)還是個寂寂無名的Busker,今年她已搖身一變成為唱作歌手,更難得是短短一年時間,她便有機會推出首張大碟《黃妍說》,兼在10月舉行首場收費騷《黃妍說音樂會》,難怪收到消息時剛滿27歲的Cath,認為是最好的生日禮物,亦深感自己這年的際遇,只能用太幸運來形容。

採訪:杜淑霞         場地:Redmr紅人派對

  大碟國粵語共14首歌,全部由 Cath作曲,她都好開心第一張碟就全部是自己創作的作品,「其實嚴格嚟講係有9個旋律,因為有5首歌有國粵語版,但編曲都會有唔同,所以聽落每首歌都有唔同感覺。」

  當中最特別,當然是由台灣著名監製鍾成虎老師加持的《偷時間的人》,「公司同事知我好鍾意小虎老師,專登幫我搵佢幫手,佢喺我創作嘅歌度揀咗呢首,我去台灣錄音時,真係好緊張,但老師佢好好,佢唔會特別要求我做咩,好自然咁去發掘我嘅特質,係次好難得嘅經驗。」錄音時撞正她4月生日,「所以絕對係最好嘅生日禮物。」

  對於10月開騷,出道一年的 Cath感覺好神奇,「仲記得一年前我仲幫緊小塵埃佢哋首個騷做暖場嘉賓,估唔到咁快我就有自己舞台,我會好好珍惜呢次機會。」由於新碟只得14首歌,Cath預了個唱會有不少翻唱歌,「其實我入行前都係Busker,主要都係翻唱歌,今次再翻唱人哋嘅歌,反而好似一個成長紀錄,相信粉絲唔會介意。」不過問到會否跳舞為粉絲帶來驚喜,她就相當反對,「呢個真係唔得住,我四肢太唔協調,第一次開騷做番最真實嘅自己先,將來有機會先再畀驚喜大家啦!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd