首頁 日報娛樂

齊出單曲唔係自相殘殺 陳卓賢唔怕姜濤搶風頭

09/08/2019
■姜濤及陳卓賢坦言各有唔同風格,唔係競爭對象。
■姜濤及陳卓賢坦言各有唔同風格,唔係競爭對象。 (1/5)

  男團Mirror出身自ViuTV選秀真人騷《全民造星》,連天后鄭秀文都邀請佢哋做演唱會嘉賓。當中最多Fans嘅姜濤及陳卓賢(Ian)率先推出處男單曲,Ian話唔怕被姜B搶風頭:「因為風頭都喺晒佢度。」而姜B則大笑讚自己:「我哋啲歌真係好聽。」咁老實不客氣,搞到Ian忍唔住笑。採訪:方騫平 化妝:Cori Wong@Annie G Chan Makeup Centre

髮型:Stone Cheng @private I salon 服裝:Dunhill, diesel

  對於打頭炮出Solo,兩人異口同聲表示有壓力,Ian說:「雖然係幸運,但有壓力,因為每個成員都有支持嘅Fans,會疑問點解唔係自己嘅偶像先出歌同埋先開音樂會呢?所以做好自己最重要。」姜濤話估計公司先做第1及2名,其他成員機會一定陸續有來。

  姜B對推出處男單曲表示緊張,他的《一號種籽》喺推出前一晚仍改動中,好嚴謹,姜B說:「仲擔心歌詞太青春,觀眾未必接受到,好彩出嚟效果好好,唯一批評係咬字,呢方面需要改善。」另因為枝錄音咪特別敏感,好難控制,陳卓賢反而愈錄愈唔滿意,畀自己好大壓力:「聽返我首《二期大樓》覺得可以有改進,呢啲係經驗嚟。」兩人一齊宣傳新歌,Ian笑言唔怕風頭被姜濤搶晒:「因為風頭都喺晒佢度,邊度仲有得搶啫?至少我哋冇敵對狀態。」姜濤即派定心丸:「我哋本身風格都唔同,吸納嘅觀眾群都唔一樣,唔係自己打自己人,係互補。」姜濤唔怕醜力推說:「我哋啲歌真係好聽,唔會唔合格,一定合格,大家一定要去聽。」

  對於處男作《退休女皇》被評戲屎,姜濤大感不解說:「我一定會改,畢竟第一次演戲好多嘢唔識,希望日後多啲機會演戲,演戲係一件好好玩的事。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd