首頁 日報娛樂

53歲「劇后」 Dry咗二十年 關寶慧急保養恨拍拖

09/08/2019
■關寶慧哄埋部美容機度,試吓蒸面。
■關寶慧哄埋部美容機度,試吓蒸面。 (1/8)

  近年活躍舞台劇嘅關寶慧(Emily),日前先演出音樂劇《我們的青春日誌》,並獲好友伍詠薇前來捧場,幾咁happy。不過,私底下嘅佢卻dry到爆,年關佢自爆「有幾十年無拍拖,唔結婚唔罷休。」日前下午,53歲嘅Emily現身銅鑼灣一間大型連鎖電器舖,見佢睇中一部蒸面美容機,又問又試玩足半小時呀!        採訪 : 梁志明

  關寶慧今年4月憑舞台劇《她媽的葬禮》獲「第28屆香港舞台劇獎」最佳女主角(喜劇/鬧劇),入行28年首次獲提名兼得獎,出爐劇后喊到豬頭咁。日前佢孭飛演音樂劇《我們的青春日誌》,四出接受訪問時,講到戀愛話題,Emily自爆好耐無拍拖:「我無戀愛就已經係趣事,有幾十年無拍拖,當然想搵個伴,一定要結婚。」

  日前下午5時,黑超關寶慧現身銅鑼灣一間大型連鎖電器舖,見佢專攻家居用美容機,未幾睇中一部一千有找嘅納米離子蒸面機,就捉實男店員問長問短,問足十分鐘後索性插電試用。呢部機主要功能係補水控油光,適合皺紋及乾性皮膚,唔怪得Emily咁like啦!最後試玩逾十分鐘,佢影咗幾張產品相,無幫襯就走人,搞到職員哥哥好無癮呀!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd