首頁 日報娛樂

首拍美劇與馮德倫合作 陳鈺芸做女保鏢打警察

09/08/2019
■陳鈺芸坦言今次在新劇打得好勁,周身瘀傷好平常。
■陳鈺芸坦言今次在新劇打得好勁,周身瘀傷好平常。 (1/7)

  打女陳鈺芸(JuJu)首度接拍由馮德倫執導,剛播映的Netflix美劇《五行刺客》,她表示在加拿大溫哥華拍足4個月,又是從影以來打得最勁,所以過程都幾辛苦。她飾演黑幫大佬的貼身女保鏢,最難忘是要單人匹馬打低晒在差館的所有警察,全程親身上陣,故拍完後全身瘀傷,她笑言已練到一副硬骨頭,並稱因有功夫底子,所以導演一路拍一路加打鬥戲給她,挑戰都幾大。撰文:李佩儀 攝影:李維隆 場地:Fringe Club Colette's

  JuJu表示接拍《五》劇是緣份,皆因她試完第二次鏡,剛好在美國拍完《凹彈頭》,當日下午便收到通知一星期後在溫哥華開拍,她笑言:「原本當晚飛返香港,即刻轉機票。」在劇中,她飾演黑幫大佬的貼身女保鏢,「原本呢個角色係寫畀男演員做,但監製見完我,好鍾意我啲功夫,就改咗搵我做,仲一路拍一路加啲打戲畀我。」由於唔多時間準備和訓練,所以演員一定要識功夫,她續說:「除咗我,仲有好打得嘅印尼演員Iko Uwais,加埋其他動作演員,我哋都係呢頭教完就要即刻拍。」

  要全程親身上陣的JuJu,沒有用替身,最難忘是在差館打低十幾個警察的場口。問她有沒有受傷時?她說:「周身瘀晒,好似有場喺地下停車場拍,既要碌地,又要打筋斗同肉搏,但得硬地冇鋪墊,不過我都慣咗,搽去瘀膏幾日冇事,嗰邊啲男武師都話我係硬骨頭嘅女人。」由於今次合作全是華人演員,JuJu笑言特別夾,除咗口味一致鍾意飲茶,又會互相去大家屋企食飯,連馮德倫都會一齊去。JuJu稱首次與馮德倫合作,很喜歡他的畫面設計,並稱:「雖然佢喺現場唔係講好多嘢,但佢係一個好幽默、好好玩嘅人,有機會希望可以再合作。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd