首頁 日報娛樂

不再提失散母親 張頴康免被指借題發揮

09/08/2019
■入行接近20年的康仔,對於發展尚算滿意,因為只要有戲演他就開心。
■入行接近20年的康仔,對於發展尚算滿意,因為只要有戲演他就開心。 (1/6)

  張頴康最近在《十二傳說》首度升呢第二男主角,他坦承沒分別,拍攝時一如以往用全副心力去演,不過今次演繹「小豆」(易銘賢)這個非一般督察相當好玩,因跟好友蕭正楠和林子善戲裏戲外一齊搞笑。講到早前在《如果這樣生活》重提跟母親失散, 他坦言是最後一次,不想讓人覺得借題發揮。 採訪:杜淑霞

服裝:Callaway、Nsquare watch 場地:女人街食飯公司

  對於成為第二男主角,康仔覺得跟以往演出沒兩樣,「一直以嚟無論戲分多少,我都一樣咁畀心機去演出,唔會因為今次多啲戲份先更落力,不過戲份多咗,個角色更立體,演出時投入度係會多啲嘅。」

儲錢畀仔女升學

  康仔又話今次拍攝過程特別開心好玩,「首先角色雖然係警察,但平日成個死O靚仔咁,加上同阿蕭、子善本身好熟,監製又畀咗好多空間我哋發揮,我哋成日自己度啲嘢試吓監製嘅底線囉!撞咗出嚟係幾有火花㗎!雖然用新攝影器材拍,成套拍足半年,但每日開工時間都好快過,因為實在太開心。」

  談到早前在《如果這樣生活》重提跟母親失散,康仔坦言是最後一次,「我同太太(麥雅緻)商量過,唔想畀人覺得借題發揮,同埋每次提起我都會喊,節目分咗四日拍我就喊足四日,o依家自己都有幸福家庭,唔諗咁多努力搵錢,阿囡就嚟升小學,希望將來啲仔女功課壓力冇咁大,要儲多啲錢畀佢哋去外國升學。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd