首頁 日報娛樂

演8小時長舞台劇 蘇玉華潘燦良睇戲放輕鬆

09/08/2019
■素顏蘇玉華和男友潘燦良,無論打扮、動作都好夾。
■素顏蘇玉華和男友潘燦良,無論打扮、動作都好夾。 (1/7)

  蘇玉華和男友潘燦良近日忙演出長達8個小時一場嘅舞台劇《如夢之夢》,體力和精神都壓力幾大㗎!於是日前,兩位好戲之人就拍拖現身圓方,揀選睇韓國名導奉俊昊嘅得獎電影《上流寄生族》減壓。未入場前,呢對「老夫老妻」睇人溜冰hea時間,見零妝蘇玉華係咁講嘢,男友不斷點頭,聽晒未來老婆話囉! 採訪 : 李維隆

  愛情長跑約23年嘅蘇玉華和潘燦良(燦Sir),早年女方自爆燦Sir於13年在日本求婚,兩人講咗幾年話「唔排除旅行閃婚!」到今年都未有好消息囉!不過早排二人宣傳舞台劇《如夢之夢》時表示,9月完成演出後將拍拖遊愛爾蘭。至於會否順道結婚?燦Sir又係嗰句「即興嘅嘢唔知㗎!」

  日前下午4時,51歲凍齡蘇玉華戴闊邊帽、眼鏡,無化妝一身素色打扮與男友拖手現身圓方。兩人行咗去戲院,惜未夠鐘入場無癮離開。而佢哋當日睇嘅大片,正是韓國名演奉俊昊執導、男星宋康昊、李善均等主演嘅韓片《上流寄生族》,日前港票房破千萬,打破陳凱歌執導嘅《霸王別姬》保持26年嘅紀錄,登上金棕櫚獎港票房No.1。見二人行咗欄杆邊,望落樓下睇人溜冰hea時間。此時,女方滔滔不絕;男方一直點頭,默契十足。15分鐘後,兩人再拖手折返戲院睇戲。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd