首頁 日報娛樂

包實五官同老公Shopping 沈卓盈一除口罩甩晒色

09/08/2019
■戴口罩好焗,沈卓盈揀家品期間曾經拉開口罩唞氣,加上除埋太陽眼鏡,要好落足眼力先認到佢。
■戴口罩好焗,沈卓盈揀家品期間曾經拉開口罩唞氣,加上除埋太陽眼鏡,要好落足眼力先認到佢。 (1/7)

  沈卓盈去年底約滿無線後,即於今年初嫁生意人Calvin做少奶奶,問到新婚生活,少奶奶以「幸福、美滿、愉快」嚟形容。日前晚上7點,沈卓盈夫婦去銅鑼灣IKEA買家品,新婚嚟講,兩公婆唔算表現得好甜蜜,主力女方揀,男方負責睇,多口講句,沈大師戴口罩同黑超,一身黑帽黑衫黑褲,咁樣出街唔怕危險咩? 採訪:梁志明

  老公話晒搞內衣生意,又家住何文田億元豪宅,但沈卓盈做少奶奶得嚟唔算太高調,即一般出街Shopping唔會着到好高貴,化行妝嗰隻,當日見佢最名貴係個名牌手袋,就算家品都係喺IKEA買咋。

大師幾好力

  當晚7點,包實五官嘅沈大師先到IKEA揀家品,家品類型包括相架、浴室架及畫框等,行咗十幾分鐘,佢老公現身,兩公婆一齊行但唔算太Close,老婆睇中相架,老公即埋位畀意見,$99.9一排相連相架,咁抵買即入手啦。然後兩公婆再去睇畫框,行足1個鐘,買咗幾多嘢,期間沈大師可能覺得好焗而曾經拉低口罩分幾鐘,加埋除太陽眼鐘,素顏大師明顯無晒艷光,甩色相當嚴重,其實唔戴口罩都唔會有人認到啦。行近尾聲, Calvin先行離開去攞車,沈大師自己埋單加包裝再拎住大件相架行去旁邊的酒店上車。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd