首頁 日報娛樂

兩大天后同台獻唱 祖兒坦言視千嬅為競爭對手

09/08/2019
■祖兒與千嬅在台上合唱冧歌。
■祖兒與千嬅在台上合唱冧歌。 (1/3)

  容祖兒「pretty crazy」演唱會前晚舉行第三場,請來曾經在樂壇被視為競爭對手的楊千嬅來做嘉賓,兩人合唱了《假如讓我說下去》及《連續劇》,令全場觀眾聽出耳油。本報記者

  容祖兒在介紹千嬅出場時表示,「人生像一場競技賽,我的跑道上有很多同我一齊跑的跑手,一時你跑快啲,一時我跑快啲,今晚嘉賓佢同我一齊跑,如果冇佢,我未必可以跑咁快。今日我同佢雙劍合璧,希望曾經有一刻我都畀過佢好大動力,令佢跑得快啲。」

  千嬅就表示:「你差啲整喊我!你o依家講嘢叻咗喎,好開心係工作路上遇到你,我可以見證你每個階段的進步,同埋睇住你一路成熟。」接着千嬅又感謝祖兒說:「你在路上畀到我好多動力,以前我哋唔係好多機會相處,見面都係『HI, BYE』,但係最近十年,大家見面機會多咗,溝通時感受到大家都成熟咗,人生路上難得遇到好對手,會令自己進步!所以你唔好多謝我,我應該多謝你先真。」

  此外昨晚祖兒坐飛船升上半空跟山頂觀眾大唱K時,見到細佬坐在山頂, 即叫工作人員給他咪,兩人一同大合唱,祖兒更開心大叫:「我終於又完成我另一個心願,喺紅館同我細佬大合唱呀!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd