首頁 日報娛樂

發英雄帖邀巨肌藝人上台 陳奐仁被讚身形似城城好興奮

10/08/2019
■Hanjin話個唱前唔使加操都夠用,仲畀兩秒胸肌記者見識吓。
■Hanjin話個唱前唔使加操都夠用,仲畀兩秒胸肌記者見識吓。 (1/6)

  43歲的陳奐仁(Hanjin) 非常好毅力,將超過200磅的「大頭叮噹」改頭換面,狂操肌變身「8塊爆肌車厘龜」,他事先張揚於8月30日在會展中心舉行的《陳奐仁弘音教父演唱會2019》中大「晒冷」,仲廣發英雄帖,廣邀圈中爆肌型男如彭于晏、郭富城、羅仲謙、陳豪及張繼聰等加入。

採訪:方騫平 場地:The Wave@觀塘

  陳奐仁近年獲封「弘音教父」,全因他不論語文、多類型音樂及技能範疇均屬領袖級人物!Hanjin笑說:「雖然不敢當,但都多謝睇得起,多謝大家多年來支持,不離不棄。」他自爆特別請來教父級人物助陣演唱會:「我好尊重佢,因為佢拍劇攞過好多大獎,仲成日周圍登台,唱得吓歌㗎。」

  Hanjin將於演唱會上演繹平日難得一唱的麥當娜歌曲《Like A Virgin》嘅Rock版,初入行硬銷的作品,如張學友的《愛你痛到不知痛》及《和好不如初》。另外,有3首歌要跳舞,其中有隻舞好sexy,Hanjin會黐住4個女dancers,笑言睇吓到時會否被扯甩衫!老婆Prima話同電影《溝女不離三兄弟》,莊思敏騎喺他身上一幕比較屬小兒科,成功過到關:「我未睇過戰衣草圖,佢哋應該唔會留手。」問到接唔接受到杜德偉Stlye的水晶底褲演出?Hanjin即笑說,「咁又唔使呀?不如大髀以下留待下次演唱會先用。」另他透露朋友讚佢似郭富城,唔使加操都夠用。「我唔知有幾多吋胸肌,不如計頭圍,我贏梗!唔加操,因為我唔想肌肉痛住彈結他,唔飲水去修線條個口會黏住,脾氣又會變臭,喺咁嘅狀態下唱歌,感覺唔好受。」語畢,Hanjin即Show兩秒胸肌畀記者見識吓!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd