首頁 日報娛樂

銅記Food court開餐 47歲湯寶如肉緊吹打機經 

10/08/2019
■湯記揸住支牙籤吹水,幾咁肉緊。
■湯記揸住支牙籤吹水,幾咁肉緊。 (1/7)

  近年復出唱歌嘅湯寶如(湯記),早年未婚懷孕,同賽車手男友陳德民,誕下現年11歲嘅乖仔陳俊滔。雖然兩人至今仍未簽下婚書,但一家三口好幸福。日前晚上,湯記和女友人一家約咗去銅鑼灣食飯,4人揀食food court貪夠多選擇嘛!其後,湯記快食十分鐘,撩住牙好chur咁哄埋女友人度求教打機,唔通想學嘢後,同囝囝打機增進感情?! 採訪:梁志明

  隨着11歲兒子日漸長大,不婚主義嘅湯記對結婚態度亦有變,曾主動向同居15年嘅男友提議結婚,笑言「撩隻龜」(簡單簽紙註冊)再「返屋企炒個菜食吓」,唔需要大宴親朋,不過男友卻回應:「結咩婚?黐線!」談到親子關係,湯記表示因男友開公司工作時間彈性,父兼母職負責湊仔,10年來朝早5點半起身睇阿仔功課,6點半送仔落樓上校車,仲負責煮飯同去街市買餸。

男友父兼母職

  日前晚上7時許,一身黑色打扮嘅湯記現身銅鑼灣一商場food court。見佢和女友人及對方兒子排隊買嘢食,友人丈夫就等位。未幾,4人攞嘢食坐低dinner,見湯記食得好快,鐵板飯「炸炸聲」都照吞落口。話咁快,湯記食飯撩牙,即哄埋女友人度,喺自己部手機開咗隻game求教打機,問足5分鐘點晒頭才滿意收貨,然後一行4人落樓走人。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd